Examinado o expediente presentado polo centro privado de educación especial San Francisco de Vigo, polo que solicita o cambio da denominación da titularidade.
Resultando que a Asociación Provincial de Educación y Trabajo Especial San Francisco (Apetesfra) é a titular do mencionado centro e que pasou a deno
minarse Asociación Galega San Francisco (Agasfra), segundo consta nos seus estatutos.
Resultando que o referido centro docente ten a correspondente autorización para impartir ensinanzas de educación especial.
Vistos o Decreto 133/1995, do 10 de maio (DOG do 22 de maio), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que o desenvolve.
Considerando que se cumpriron neste expediente os requisitos exixidos pola normativa vixente nesta materia.
Esta consellería, por proposta da Dirección Xeral de Centros e Ordenación Educativa,
DISPÓN:
Autorizar o cambio de denominación do titular do centro privado de educación especial San Francisco de Vigo, código 36015275, que pasa a ser Asociación Galega San Francisco.
Este cambio da denominación da titularidade non afectará o réxime de funcionamento do centro.
Contra esta orde, que esgota a vía administrativa, os interesados poderán interpor recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ao da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.
Santiago de Compostela, 7 de febreiro de 2005.
Celso Currás Fernández
Conselleiro de Educación e Ordenación Universitaria