O artigo 27 do Estatuto de autonomía de Galicia recolle no seu punto 22 a competencia exclusiva da Comunidade Autónoma galega na promoción do deporte e a axeitada utilización do lecer. Recollendo esta asunción de competencia exclusiva, procedeuse á aprobación da Lei 11/1997, do 22 de agosto, xeral do deporte de Galicia, pola que se pretende a plena efectividade do feito, e dereito, deportivo na nosa comunidade autónoma.

No ámbito concreto do deporte de alto nivel, o artigo 46.3º da lei establece que, independentemente da clasificación xeral de deportistas de alto nivel e das medidas que se establecen na lexislación do Estado, a Comunidade Autónoma de Galicia poderá realizar unha clasificación propia de deportistas galegos de alto nivel, de acordo coas federacións deportivas galegas, para efectos do ámbito galego, e que será publicada no Diario Oficial de Galicia, aos cales lles serán de aplicación os beneficios que se establecerán regulamentariamente.

En desenvolvemento da citada Lei do deporte, o Decreto 6/2004, do 8 de xaneiro, polo que se regula a cualificación dos deportistas galegos de alto nivel e os programas de beneficios dirixidos a estes, e a Orde do 20 de xaneiro de 2004, pola que se desenvolve o citado decreto, establecen os criterios que serán tidos en conta para determinar que deportistas deben posuír tal consideración; atribuíndo, así mesmo, á Comisión de Avaliación e Seguimento dos Deportistas Galegos de Alto Nivel a función de propor á conselleira competente en materia de deporte a relación de deportistas galegos de alto nivel.

En consecuencia, atendendo á proposta enviada pola referida Comisión de Avaliación e Seguimento dos Deportistas Galegos de Alto nivel, na súa reunión do 21 de decembro, a Consellería de Familia, Xuventude, Deporte e Voluntariado

RESOLVE:

Primeiro.-Aprobar a relación de deportistas que cumpren os criterios para seren recoñecidos como deportistas galegos de alto nivel, que se relacionan no anexo I desta resolución e que, en consecuencia, gozan da consideración de alto nivel desfrutando dos beneficios que para tal consideración se atribúan.

Segundo.-Publicar a relación das solicitudes rexeitadas e a causa, que se relacionan no anexo II desta resolución.

Terceiro.-Publicar a relación dos deportistas con beneficios vixentes (recoñecidos na anterior convo

catoria), que se relacionan no anexo III desta resolución.

Cuarto.-Contra esta orde, que esgota a vía administrativa, os interesados poderán interpor recurso potestativo de reposición ante esta consellería, no prazo dun mes contado desde o día seguinte ao da súa publicación no DOG, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente no xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 10 de febreiro de 2005.

Pilar Rojo Noguera

Conselleira de Familia, Xuventude, Deporte

e Voluntariado

ANEXO I

Deportistas recoñecidos

ANEXO II

Deportistas non recoñecidos

A) Por non cumprir a alínea e) do artigo 3 do Decreto 6/2004: acreditar o nivel deportivo exixido na modalidade practicada.

B) Por xa estar recoñecidos e ter beneficios vixentes desde o ano 2004.

C) Por presentar a solicitude fóra de prazo.

ANEXO III

Deportistas con beneficios vixentes desde o ano 2004