Pola Orde do 19 de novembro de 2003 (DOG do 24 de novembro) fíxose pública a composición do Consello Social da Universidade de Vigo.

De acordo co artigo 10.1º a) da Lei 1/2003, do 9 de maio, dos consellos sociais do Sistema Universitario de Galicia, os membros dos consellos sociais cesarán por expiración do período de mandato. Non obstante, continuarán nas súas funcións ata a toma de posesión dos novos membros.

O artigo 7.4º da citada Lei 1/2003 establece que os acordos de designación de membros do Consello Social lle serán comunicados ao conselleiro competente en materia universitaria, quen procederá ao seu nomeamento mediante orde da súa consellería. De conformidade con esta previsión, o 27 de xaneiro de 2005, o Consello de Goberno da Universidade de Vigo elixiu o seu representante do sector de estudantes no Consello Social da universidade, como establece o artigo 29.2º dos estatutos da propia universidade.

Con data 12 de xaneiro de 2005, o presidente do Consello Social da Universidade de Vigo remite escrito da Secretaría Xeral desa universidade. En cumprimento do disposto no artigo 7.4º da Lei 1/2003, a Secretaría Xeral comunica a proposta de nomeamento como membro do Consello Social da Universidade de Vigo de Xan Lago Teijeiro como representante do Consello de Goberno da Universidade de Vigo en substitución de Roberto González Novas.

Por todo iso,

DISPOÑO:

Artigo único.-Nomear a Xan Lago Teijeiro como representante designado polo Consello de Goberno, no Consello Social da Universidade de Vigo, en substitución de Roberto González Novas.

Disposición derradeira

Esta orde entrará en vigor o mesmo día da súa publicación no Diario Oficial de Galicia.

Santiago de Compostela, 9 de febreiro de 2005.

Celso Currás Fernández

Conselleiro de Educación e Ordenación Universitaria