Aprobado inicialmente, por Decreto da Alcaldía do 10 de febreiro de 2005, o Plan Parcial SUI 1 de Roiriz (ampliación do Parque Empresarial de Chorente) promovido polo Concello de Allariz e redactado pola arquitecta Jacqueline Seijo Martínez e o aparellador municipal Celestino Feijoo Rodríguez, sométese a información pública durante o prazo dun mes mediante anuncio que se publicará no Diario Oficial de Galicia e nos xornais La Voz de Galicia e La Región. Simultaneamente notificaráselles individualmente a todos os propietarios dos terreos afectados.

Durante o trámite de información pública solicitaranse igualmente os informes sectoriais que resultan preceptivos ás administracións públicas competentes que deberán ser emitidos no prazo máximo dun mes.

O prazo de exposición citado anteriormente contarase a partir do día seguinte ao da publicación deste anuncio no Diario Oficial de Galicia.

O que se fai público para xeral coñecemento conforme o dispón o artigo 86.1º da Lei 9/2002, do 30 de decembro, de ordenación urbanística e protección do medio rural de Galicia.

Allariz, 10 de febreiro de 2005.

Francisco García Suárez

Alcalde