De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona que, con esta data, resolvín publicar o acordo de iniciación do procedemento sancionador por infracción administrativa da Lei 43/2003, do 21 de novembro, de montes, e máis do Regulamento aprobado polo Decreto 485/1962, do 22 de febreiro (BOE nº 61 e 62, do 12 e 13 de marzo. Corrección de erros nos nº 67 e 121, do 19 de marzo e do 21 de maio), por non poder realizar a súa notificación.

Noméase instrutora do procedemento a Ofelia Rivas Vázquez e secretaria a María Jesús Budiño Rodríguez, funcionarias desta delegación, e poderase promover a súa recusación en calquera momento da tramitación do procedemento, se concorre algunha das circunstancias previstas no artigo 29 da Lei 30/1992, do 26 de novembro, de réxime xurídico das administracións públicas e do procedemento administrativo común.

A resolución será acordada polo director xeral de Montes e Industrias Forestais, segundo o artigo 452 do Regulamento de montes, en relación co Real decreto 167/1981, do 9 de xaneiro, de transferencias de funcións e servizos da Administración do Estado á Comunidade Autónoma de Galicia en materia de conservación da natureza.

O interesado disporá dun prazo de quince días, contados a partir do seguinte ao da publicación desta notificación, para presentar por escrito cantas alegacións, documentos, informacións ou propostas de probas considere convenientes en defensa dos seus dereitos.

Conforme o establecido no artigo 13.2º do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, se non efectuar alegacións no prazo anterior, este acordo de iniciación poderá ser considerado proposta de resolución.

O prazo máximo para ditar resolución neste expediente é de seis meses a partir da data do acordo de incoación, segundo o establecido no artigo 42 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro. De no ditarse resolución no devandito prazo e, ao abeiro do disposto no artigo 44.2º da lei antes mencionada, producirase a caducidade do expediente.

O que lle comunico, de acordo coa normativa antes citada, coa Lei 30/1992, do 26 de novembro, e co establecido no Real decreto 1398/1993, do 4 de agosto.

A Coruña, 18 de xaneiro de 2005.

Ana María Díaz López

Delegada provincial da Coruña

ANEXO

Expediente: CO-MON-2004-0049.

Denunciado: Aprovechamientos Forestales del Noroeste.

Último enderezo coñecido: lugar de Espiñeira-Rois- A Coruña.

Feitos denunciados: realizar unha corta de especies de crecemento rápido (eucalitos) sen deixar transcorrer o prazo de 15 días após a notificación.

Tipificación: artigo 67 h) da Lei 43/2003, en relación co artigo 231 do Regulamento de montes.

Cualificación: leve.

Sanción proposta: 100 A de multa.