De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona que, con esta data, resolvín publicar a proposta de resolución do procedemento sancionador por infracción administrativa da Lei 43/2003, do 21 de novembro, de montes, por non ser posible a súa notificación.

O interesado dispón dun prazo de quince días, contados a partir do seguinte ao da publicación desta notificación, para formular cantas alegacións considere pertinentes. No mesmo prazo ponse o procedemento de manifesto para trámite de vista se o considera oportuno. O expediente pode ser examinado na delegación provincial desta consellería, sita no edificio administrativo de servizos múltiples-Monelos-A Coruña.

Rematado o prazo que se sinala, esta proposta, xunto con todos os documentos que figuran no expediente, remitiranse ao director xeral de Montes e Industrias Forestais da Consellería de Medio Ambiente para a resolución do procedemento.

O que se lle comunica de acordo coa normativa antes citada e co establecido no Regulamento do procedemento para o exercicio da potestade san

cionadora, aprobado polo Real decreto 1398/1993, do 4 de agosto (BOE nº 189, do 9 de agosto).

A Coruña, 18 de xaneiro de 2005.

Ana María Díaz López

Delegada provincial da Coruña

ANEXO

Expediente: CO-INC-2004-0116.

Denunciado: Jaime Pailos Alvarellos.

Último enderezo coñecido: O Carballal, s/n-Cesullas-Cabanas de Bergantiños.

Feitos denunciados: queimar herba en terreo agrícola, en época prohibida.

Tipificación: artigo 67 d) en relación cos artigos 3 e 4 da Lei 43/2003, do 21 de novembro, de montes.

Cualificación: leve.

Sanción proposta: 600 A de multa.