De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona a proposta de resolución ditada pola instrutora no expediente que por infracción da Lei 50/1999, do 23 de decembro, sobre o réxime xurídico da tenza de animais potencialmente perigosos, se está a tramitar nesta delegación.

Para os efectos previstos no artigo 19 do Real decreto 1398/1993, do 4 de agosto, polo que se aproba o regulamento do procedemento para o exercicio da potestade sancionadora, o denunciado disporá dun prazo de quince días hábiles, contados a partir do seguinte ao da publicación desta notificación, poderá examinar o expediente no Servizo Técnico-Xurídico, sito na r/ Benito Corbal, 47-5ª planta, e presentar as alegacións que considere convenientes.

Pontevedra, 19 de xaneiro de 2005.

José Antonio López Rodríguez

Delegado provincial de Pontevedra

ANEXO

Expediente: PO-A-2004/133.

Nome do denunciado: Antonio Gandón Rodríguez.

Último enderezo coñecido: r/ A Xunqueira, 45, Reibón-Moraña (Pontevedra).

Feitos denunciados: ter un can potencialmente perigoso de raza Pitt-Bull pola vía pública ceibo e sen o correspondente buceiro.

Localizado o propietario do can, manifesta que é da súa propiedade, non mostrando ningún tipo de documentación relativa ao dito animal.

Feitos denunciados ás 00.15 horas do 28 de agosto do 2004, nas inmediacións da praia A Xunqueira-Meira, do concello de Moaña (Pontevedra).

Precepto infrinxido: infracción moi grave do artigo 13.1º b) e grave do artigo 13.2º d) da Lei 50/1999, do 23 de decembro, sobre o réxime xurídico da tenza de animais potencialmente perigosos.

Precepto sancionador: artigo 13 da Lei 50/1999, do 23 de decembro, sobre o réxime xurídico da tenza de animais potencialmente perigosos.

Sanción: 2.704,56 A, sen prexuízo de que poida terse en conta á hora de resolver o expediente a obtención da licenza polo denunciado.