Con data do 15 de decembro de 2004, o delegado provincial da Consellería de Sanidade da Coruña ditou resolución do expediente sancionador nº 209/2004 incoado na Delegación Provincial da Consellería de Sanidade da Coruña a Restaurante Calemae, S.L.

Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta

cédula, e segundo o disposto no número 5 do referido artigo, notifícase a Restaurante Calemae, S.L. o contido da referida resolución que figura como anexo, para que poida ter coñecemento dela.

Así mesmo, fáiselle saber o dereito que o asiste para interpor recurso de alzada ante o conselleiro de Sanidade no prazo dun mes, contado desde o seguinte ao da publicación desta cédula, segundo establece o artigo 115 da Lei 30/1992, do 26 de novembro, lembrándolle o seu dereito a consultar o expediente depositado nas dependencias desta delegación, sita na rúa Gregorio Hernández, 2-4, A Coruña e obter, de ser o caso, copia del, segundo o previsto na letra a) do artigo 35 da citada Lei 30/1992, do 26 de novembro.

En caso de conformidade con esta resolución, deberá facer efectiva a multa no prazo de 15 días hábiles, mediante ingreso que debe efectuar en calquera oficina de Caixa Galicia, cta. contable 840, código 001, ou na Caixanova Recadación Xunta: modelo XTAX, e empregando os impresos normalizados que lle serán facilitados nas dependencias desta delegación provincial. O pagamento voluntario porá fin ao expediente. De non facelo así, procederase ao seu cobramento pola vía de constrinximento.

Esta cédula expídese para que conste e lle sirva de notificación ao interesado, en cumprimento do disposto no artigo 59.5º da Lei 30/1992, do 26 de novembro.

A Coruña, 17 de xaneiro de 2005.

Manuel Barral Castro

Delegado provincial da Coruña

ANEXO

Nº expediente: 209/2004.

Denunciado: Restaurante Calemae, S.L.

DNI/NIF: B15595036.

Último enderezo coñecido: praza de María Pita, nº 24. A Coruña.

Feito imputado: infracción á lexislación aplicable en materia sanitaria.

Precepto/s infrinxido/s: artigo 35.A.3 da Lei 14/1986, xeral de sanidade. Artigos 2.1º 1; 2.2º e 3.3º 6 do R.D. 1945/1983, sobre infraccións e sancións en materia de defensa do consumidor e da produción agroalimentaria. R.D. 3484/2000, polo que se establecen as normas de hixiene para a elaboración, distribución e comercio de comidas preparadas, artigos 3.3º, 7.3º, 10.2º e 12. R.D. 2207/1995, polo que se establecen as normas de hixiene relativas aos produtos alimenticios, capítulos I.1; VI.2; artigo 3.2º do R.D. 202/2000, sobre normas relativas aos manipuladores de alimentos.

Tipificación provisional: leve.

Sanción imposta: 150,25 euros. Cento cincuenta euros con vinte e cinco céntimos.