En cumprimento do disposto no artigo 22 da Lei 3/1985, do 12 de abril, do patrimonio da Comunidade Autónoma e 55 do seu regulamento, e á vista das competencias que teño atribuídas conforme o Decreto 115/2004, do 3 de xuño,

RESOLVO:

Facer público que, por razón das necesidades do servizo que hai que satisfacer, se xustifica, logo da fiscalización da Intervención Delegada da Consellería de Economía e Facenda e por proposta da Consellería de Política Agroalimentaria e Desenvolvemento Rural, a utilización do procedemento de contratación directa no aluguer dun local sito na rúa Xeneral Franco, 7-baixo, de Ribadeo (Lugo) para instalación de dependencias da Comunidade Autónoma de Galicia.

Santiago de Compostela, 27 de decembro de 2004.

Emilio Álvarez Rey

Secretario xeral e do Patrimonio da Consellería

de Economía e Facenda