No procedemento de referencia ditouse a resolución do seguinte teor literal:
«Sentenza.
Santiago de Compostela (A Coruña), 30 de xuño de 2004.
Pedro Fernández Mora, maxistrado xuíz do Xulgado de Primeira Instancia e Instrución número tres desta cidade e o seu partido, viu estes autos de xuízo verbal de desafiuzamento por falta de pagamento e reclamación de cantidade, rexistrado co número 37/2004, que se seguen entre Julio Rey Doce, con domicilio en Santiago de Compostela (A Coruña), Aríns-A Devesa, como demandante, representado polo procurador Ricardo García-Píccoli Atanes e asistido pola letrada Mariña Varela Pérez, e José Enrique Gramunt Fernández, con domicilio en Brión (A Coruña), Soigrexa-Bastavales nº 7, como demandado; este encóntrase en situación procesual de rebeldía neste procedemento.
Resolvo que, estimando a demanda formulada polo procurador Ricardo García-Píccoli Atanes, en nome e representación de Julio Rey Doce, contra José Enrique Gramunt Fernández, debo declarar e declaro resolto o contrato de arrendamento que sobre a vivenda situada na rúa Travesía da Estrada nº 14-A, semisoto, letra C, da localidade de Santiago de Compostela (A Coruña), existía entre o demandante e o demandado e iso por falta de pagamento das rendas debidas por este e, consecuentemente, debo declarar e declaro que procede o desafiuzamento do precitado demandado do expresado predio, apercibíndoo de
que se non o desaloxa poderá ser botado dela pola súa conta.
Así mesmo, debo condenar e condeno ao demandado, José Enrique Gramunt Fernández, a que lle pague ao demandante a cantidade de mil cincocentos doce euros (1.512 A), máis os xuros legais correspondentes, que se contarán desde o día 6 de febreiro do ano 2004, data de presentación da demanda, e ata o ditado da sentenza, así como ao aboamento dos xuros legais correspondentes incrementados en dous puntos desde a data desta sentenza e ata o completo pagamento.
Todo iso con expresa condena en custas ao indicado demandado.
Notifíqueselles esta resolución ás partes, facéndolles saber que esta non é firme e contra ela cabe preparar recurso de apelación, ante este mesmo xulgado, no prazo de 5 días que se contarán desde o seguinte ao da súa notificación.
Así, por esta miña sentenza, da cal se expedirá certificación para a súa unión aos autos a que se refire, pronúncioo, mándoo e asínoo».
E como consecuencia do ignorado paradoiro de José Enrique Gramunt Fernández, expídese esta cédula para que sirva de cédula de notificación.
Santiago de Compostela, 28 de xaneiro de 2005.
O/A secretario/a
Rubricado
XULGADO DE PRIMEIRA INSTANCIA E INSTRUCCIÓN NÚMERO SEIS
DE SANTIAGO DE COMPOSTELA