Arrendamento por procedemento aberto mediante concurso e polo trámite de urxencia de local sito na ala dereita da planta baixa do edificio do Complexo de Turismo Náutico, con destino a café-bar.

Obxecto do contrato: arrendamento por procedemento aberto mediante concurso e polo trámite de urxencia de local sito na ala dereita da planta baixa do edificio do Complexo de Turismo Náutico, con destino a café-bar, conforme o prego de cláusulas administrativas.

Lugar de execución: Concello de Castrelo de Miño.

Duración do contrato: catro anos improrrogables contados desde a data da sinatura do mesmo.

Tramitación: urxente. Procedemento: aberto. Forma de adxudicación: concurso.

Tipo de licitación: o canon mínimo que en concepto de arrendamento deberá satisfacer o licitador fíxase na cantidade de 26.016 euros polos catro anos improrrogables de duración do contrato, máis o 16% de IVE. A dita cantidade ratearase por meses. Quedan automaticamente excluídas as propostas que sexan inferiores ao canon mínimo.

Garantía provisoria: non se exixe.

Garantía definitiva: en metálico, equivalente a dúas mensualidades de renda.

Información: Concello de Castrelo de Miño.

Presentación das ofertas. Data límite de presentación: rematará aos trece días naturais contados desde o seguinte ao desta publicación. Se o último día fora inhábil ou sábado, o prazo rematará o primeiro día hábil seguinte.

Lugar de presentación: Rexistro Xeral do Concello de Castrelo de Miño, de nove a trece horas.

Anuncio extenso: BOP de Ourense nº 26, do 2 de febreiro de 2005.

Castrelo de Miño, 7 de febreiro de 2005.

José Feijóo Villanueva

Alcalde