O Pleno do Concello de Barro, en sesión que tivo lugar o 27 de xaneiro de 2005, acordou prestarlle aprobación definitiva ao estudo de detalle presentado por Promociones y Construcciones Julio Riveiro, S.L., para o cambio de aliñación en soar sito en Santo Antoniño-Perdecanai, redactado polo arquitecto Jaime Camiña Estévez, con visado colexial do 4-11-2004.
Publícase este acordo no Diario Oficial de Galicia e no BOP. Así mesmo, con data do 3 de febreiro de 2005 remitíuselle á Consellería de Política Territorial, Obras Públicas e Vivenda unha copia autenticada do expediente administrativo e dous exemplares do instrumento aprobado definitivamente, con todos os planos e documentos que os integran.
Contra este acordo, que pon fin á vía administrativa, poderase interpoñer recurso contencioso-administrativo, no prazo de dous meses contados desde o día seguinte ao da publicación deste anuncio, perante o Tribunal Superior de Xustiza de Galicia, sen prexuízo de calquera outro recurso ou acción que coiden oportunos.
De conformidade co artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, este anuncio serviralles tamén como comunicación do acordo a todos os propietarios afectados que sexan descoñecidos, dos que se ignore o lugar de notificación ou non se puidese practicar.
Barro, 4 de febreiro de 2005.
José Antonio Landín Eirín
Alcalde