No Xulgado do Contencioso-Administrativo número dous da Coruña tramítase o recurso interposto

por Carmen Andrade Sánchez (P.A. 253/2004) contra a Resolución do 22-7-2004 (DOG nº 147, do 30 de xullo) pola que se fai público o acordo do tribunal cualificador que declara a superación definitiva da fase de selección do proceso extraordinario de consolidación de emprego previsto na Lei 16/2001, do 21 de novembro, na categoría de pinche.

A recorrente pretende que se lle outorguen 5 puntos polos cursos de formación acreditados no concurso da fase de selección e, por conseguinte, un total de 114,900 puntos, no lugar dos 109,900 puntos obtidos, modificando o seu número de orde na listaxe definitiva de aprobados da dita fase.

O que se notifica para xeral coñecemento de todas as persoas interesadas no procedemento, que son emprazadas para que poidan presentarse no xulgado como demandados no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 20 de xaneiro de 2005.

José Ignacio Lema Piñeiro

Director xeral da División de Recursos Humanos