De conformidade co disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos no mencionado real decreto, faise público que na Sección de Mediación, Arbitraxe e Conciliación desta delegación provincial, foron depositados a acta de constitución e os estatutos da Asociación de Comerciantes e Hosteleiros de Gondomar Achego, que abranguen os seguintes ámbitos.
Territorial: concello de Gondomar.
Profesional: o desenvolvemento do comercio e hostalaría de Gondomar.
Asinan a acta de constitución: Manuel González Moreira e outros.
Os estatutos depositados poderán ser examinados por calquera persoa interesada.
Vigo, 27 de xaneiro de 2005.
Joaquín Macías Sánchez
Delegado provincial de Pontevedra