De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no

anexo se menciona que con esta data resolvín publicar a resolución do procedemento sancionador por infracción administrativa da Lei 43/2003, do 21 de novembro, de montes, (BOE nº 280, do 22 de novembro), por non ser posible a súa notificación.

O importe da sanción deberá ser ingresado unha vez esgotada a vía administrativa (utilizando o impreso de pagamento que se achegará coa notificación) en Caixa Galicia Cta. Contable 840. Código 001, ou ben en Caixanova Recadación Xunta: modelo XTAX, no prazo establecido no artigo 20 do Regulamento xeral de recadación:

-As sancións notificadas entre os días 1 e 15 de cada mes, desde a data de notificación ata o día 5 do mes seguinte ou o inmediato hábil posterior.

-As notificadas entre os días 16 e último de cada mes, desde a data de notificación ata o día 20 do mes seguinte ou o inmediato hábil posterior.

De non facer o ingreso nese prazo, procederase sen máis trámite á súa recadación pola vía de constrinximento.

Non obstante o anterior, e de conformidade co previsto no artigo 114 e concordantes da Lei 30/1992, de réxime xurídico das administracións públicas e do procedemento administrativo común, contra esta resolución, que non esgota a vía administrativa, cabe formular recurso de alzada, ante o conselleiro de Medio Ambiente no prazo dun mes, contado igualmente, a partir do día seguinte ao de publicación desta notificación.

Transcorrido o prazo de interposición do recurso sen que este se presente, esta resolución será executiva para todos os efectos regulamentarios.

A Coruña, 12 de xaneiro de 2005.

Ana Mª Díaz López

Delegada provincial da Coruña

ANEXO

Expediente: CO-INC-2004-0097.

Denunciado: Manuel Guerra Fraga.

Último enderezo coñecido: Tornos, 17-Dorneda-Meiras-Oleiros.

Feitos denunciados: realizar unha queima de restos forestais sen a preceptiva autorización.

Tipificación: 68.3º a) en relación co 67 e) da Lei 43/2003, de montes, en relación co artigo 5.1º da Resolución do 13 de xaneiro de 2004.

Cualificación: leve.

Sanción imposta: 100 A de multa.