Ana María Carrasco García, secretaria do Xulgado do Social número catro da Coruña dá fe e certifica que neste xulgado se seguen autos número 4/2004 por instancia de Antonio López Uzal contra Construcciones Coenge, S.L. Unipersonal sobre salarios, nos que recaeu sentenza en data 4-2004 que copiada nos particulares necesarios di así:
«Que estimando a demanda promovida por Antonio López Uzal contra Construcciones Coenge, S.L. Unipersonal debo condenar e condeno á demandada a que lle aboe á demandante a cantidade de 1.660,80 euros por todos os conceptos reclamados en demanda.
Así, por esta miña sentenza, contra a que poderá recorrerse en suplicación ante a sala do social do Tribunal Superior de Xustiza de Galicia no prazo de cinco días contados desde o seguinte á súa notificación, anunciando o propósito de interpoñelo mediante comparecencia ou por escrito sendo indispensable que ao tempo de anuncialo o recorrente, se é empresario, exhiba ante este xulgado do social o xustificante acreditativo de ter depositado na conta deste xulgado aberta en Grupo Banesto (Banco Español de Crédito, S.A. e Banco de Vitoria, S.A.) co número 5605 0000 60 0 04, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse constar a responsabilidade solidaria do avalista, sen cuxo requisito non poderá terse por anunciado o recurso e quedará firme a sentenza. Debendo consignar ademais a cantidade de 150,25 euros na mesma conta 5605 0000 650 04 entregándose o xustificante na secretaría ao tempo de
interpoñer o recurso declarándose este desistido de non constituírse o dito depósito na forma indicada, definitivamente xulgando en primeira instancia pronúncioo, mándoo e asínoo».
E para que conste, para efectos da súa publicación no Diario Oficial de Galicia, co fin de que sirva de notificación en forma á empresa Construcciones
Coenge, S.L. Unipersonal expido e asino esta cédula na Coruña o dez de xaneiro de 2005.
Secretario xudicial
Rubricado