A Praia das Catedrais, situada no extremo oriental da provincia de Lugo dentro do termo municipal de Ribadeo, está constituída por unha serie de pequenos cantís e praias distribuídos en dirección leste-oeste ao longo dunha superficie de arrasamento
moi plana denominada rasa litoral cantábrica. A intensa erosión exercida polo mar sobre estes cantís, formados fundamentalmente por xistos e lousas, iníciase nas zonas de debilidade estrutural dando lugar progresivamente a un sistema de covas, bufadores e xigantescos arcos que forman un conxunto de extraordinaria beleza. Na parte superior dos cantís, os escasos predios dedicados á produción agrícola intercálanse entre unha boa representación de uceiras -toxais aerohalinos nos que destaca a presenza de Erica vagans, especie que en Galicia está restrinxida a algúns puntos do seu extremo setentrional. Estas uceiras secas costeiras de Erica vagans constitúen un hábitat prioritario segundo a Directiva 92/43/CEE, relativa á conservación dos hábitats naturais e da flora e fauna silvestres.
Estes recursos naturais necesitan dunha protección que asegure a súa conservación compatible co uso público e gozo da natureza neste espazo, tal como se sinala na Lei 9/2001, do 21 de agosto, de conservación da natureza.
A protección e conservación do noso patrimonio natural é un mandado recollido no artigo 45 da vixente Constitución española e unha necesidade para asegurar a supervivencia dos nosos ecosistemas.
A citada Lei 9/2001, do 21 de agosto, define no seu artigo 13 a figura de monumento natural como aqueles espazos ou elementos da natureza constituídos basicamente por formacións de notoria singularidade, rareza ou beleza que merecen ser obxecto dunha protección especial, así como as formacións xeolóxicas, os xacementos paleontolóxicos e demais elementos da xea que reúnan un interese especial pola singularidade ou importancia dos seus valores científicos, culturais ou paisaxísticos.
As competencias en materia de protección do ambiente e da paisaxe foron conferidas á Comunidade Autónoma de Galicia polo artigo 27.30º do Estatuto de autonomía e asumidas pola Xunta de Galicia a través do Real decreto 1535/1984, do 20 de xuño.
Por esta razón e por proposta do conselleiro de Medio Ambiente e logo de deliberación do Consello da Xunta de Galicia na súa reunión do día vinte de xaneiro de dous mil cinco,
DISPOÑO:
Artigo 1º
Establécese un réxime xurídico especial para o espazo denominado Praia das Catedrais, mediante a súa declaración como monumento natural, de acordo co establecido na Lei 9/2001, do 21 de agosto, de conservación da natureza.
Este réxime xurídico especial oriéntase á protección e conservación dos importantes valores naturais que coexisten en canto á singularidade da súa xea, fauna e flora, así como á dos seus propios ecosistemas e hábitats naturais, e beleza da súa paisaxe.
Artigo 2º
O monumento natural ten unha superficie de 28,94 ha e os seus límites, representados gráficamente no anexo I e cuxas coordenadas se relacionan no anexo II, son os seguintes:
Polo sur e no seu extremo occidental, comeza no punto no que a estrada costeira cruza o rego de Vigo, seguindo por este vial cara ao leste ata o punto con coordenadas x: 649.001,24 e y: 4.824.050,23, onde xira cara ao norte ata o punto con coordenadas x: 648.995,64 e y: 4.824.163,30, que coincide co marco número 748 do deslinde do dominio público marítimo terrestre. Desde aquí continúa polo de linde do dominio público marítimo terrestre, pasando do marco número 746 ao 736 e do 734 ao 732, ata o punto con coordenadas x: 650.029,13 e y: 4.824.415,94, coincidente co marco número 659 do deslinde. Desde aquí prolóngase mar a fóra, en dirección noroeste, ata o punto con coordenadas x: 649.952,00 e y: 4.824.516,00, seguindo cara ao oeste ata o punto con coordenadas x: 649.096,00 e y: 4.824.340,00 e prolongándose ata o punto con coordenadas x: 648.430,00 e y: 4.824.400,00. Desde aquí, cara ao sur, ata a desembocadura do rego de Vigo, seguindo pola marxe dereita do seu leito ata a estrada
costeira.
Artigo 3º
No ámbito do monumento natural da Praia das Catedrais establécense as seguintes medidas de protección:
1ª O réxime xurídico aplicable aos terreos pertencentes ao dominio público marítimo-terrestre e das súas zonas de servidume verá determinado pola Lei 22/1988, do 28 de xullo, de costas e polo seu regulamento de desenvolvemento e execución (R.D. 1471/1989, do 1 de decembro), e as normas urbanísticas aplicables, sen prexuízo das prohibicións que se establezan con carácter xeral para todo o ámbito do monumento natural.
2ª Prohíbese en todo o ámbito do monumento natural:
a) Os campamentos e acampadas.
b) Os desmontes e terrapléns.
c) Os vertedoiros e verteduras de calquera tipo.
d) As queimas.
e) A colocación de anuncios publicitarios, agás os que teñan relación coa defensa e sinalización do propio monumento natural.
f) A extracción de area.
g) A instalación de infraestruturas que menoscaben a calidade paisaxística do contorno.
h) Os aproveitamentos mineiros da xea presente na área.
i) A construción de edificacións permanentes de calquera tipo.
j) A recolección de especies de flora e fauna silvestre sen autorización da Consellería de Medio Ambiente.
3ª Fóra dos camiños e vías existentes, só se permitirá o estacionamento e circulación de vehículos e maquinaria propios da actividade agrícola, forestal ou para o servizo das instalacións públicas existentes.
4ª Quedarán prohibidas ademais, todas aquelas accións que poidan supoñer a destrución ou alteración dos hábitats naturais identificados na área como de especial interese ou prioritarios de acordo co disposto na Directiva 92/43/CEE.
Artigo 4º
A Consellería de Medio Ambiente instará a suspensión de toda actividade que non dispoña de autorización preceptiva, non se axuste ás condicións desta ou incumpra as prescricións deste decreto.
Artigo 5º
A infracción do réxime de protección establecido para o monumento natural no artigo 3 deste decreto e nas normas que se deriven do plano de conser
vación que o desenvolve, serán sancionadas de acordo co disposto na Lei 9/2001, do 21 de agosto, de conservación da natureza ou nas normas que, se é o caso, a substitúan ou demais disposicións que a teor da natureza da infracción resulten aplicables.
Disposicións derradeiras
Primeira.-Facúltase o conselleiro de Medio Ambiente para ditar as disposicións necesarias para desenvolver este decreto.
Segunda.-Este decreto entrará en vigor o día seguinte ao da súa publicación no Diario Oficial de Galicia.
Santiago de Compostela, vinte de xaneiro de dous mil cinco.
Manuel Fraga Iribarne
Presidente
José Manuel Barreiro Fernández
Conselleiro de Medio Ambiente
ANEXO II
Coordenadas UTM dos límites descritos no artigo 2º (mar e marcos do deslinde do dominio público marítimo terrestre):
Marco X Y
Mar 1 648.430,00 4.824.400,00 Mar 2 649.096,00 4.824.340,00 Mar 3 649.952,00 4.824.516,00 659 650.029,13 4.824.415,94 660 649.994,90 4.824.413,45 661 649.968,56 4.824.419,04 662 649.952,77 4.824.406,01 663 649.934,08 4.824.406,31 664 649.879,37 4.824.396,15 665 649.873,56 4.824.384,03 666 649.872,96 4.824.368,49 667 649.866,61 4.824.365,57 668 649.851,08 4.824.373,57 669 649.776,01 4.824.355,45 670 649.779,09 4.824.346,93 671 649.868,39 4.824.323,79 672 649.871,57 4.824.310,32 673 649.845,72 4.824.306,59 674 649.791,91 4.824.323,61 675 649.740,57 4.824.337,29 676 649.719,96 4.824.324,93 677 649.691,71 4.824.314,12 678 649.693,98 4.824.295,73 679 649.743,40 4.824.262,54 680 649.803,56 4.824.246,42 681 649.831,73 4.824.184,54 682 649.801,81 4.824.177,02 683 649.792,64 4.824.169,25 684 649.768,00 4.824.189,16 685 649.753,33 4.824.196,35 686 649.727,58 4.824.203,84 687 649.722,43 4.824.218,13 688 649.697,44 4.824.225,35 689 649.682,85 4.824.218,59 690 649.645,64 4.824.219,37 691 649.618,39 4.824.194,33 692 649.604,71 4.824.201,41 693 649.620,91 4.824.246,63 694 649.603,59 4.824.252,49 695 649.606,65 4.824.291,76 696 649.594,29 4.824.344,29 697 649.554,54 4.824.338,30 698 649.537,21 4.824.329,25 699 649.514,30 4.824.338,18 700 649.492,37 4.824.334,73 701 649.460,77 4.824.340,10 702 649.434,92 4.824.310,66 703 649.372,40 4.824.288,42 704 649.333,23 4.824.253,93 705 649.342,59 4.824.238,66 706 649.344,39 4.824.217,79 707 649.296,61 4.824.191,58 708 649.289,26 4.824.202,09 709 649.289,34 4.824.217,05 710 649.282,87 4.824.237,49 711 649.290,01 4.824.250,90 712 649.285,88 4.824.258,06 713 649.257,74 4.824.242,75 714 649.253,64 4.824.231,51 715 649.243,14 4.824.228,80 716 649.241,04 4.824.231,40 717 649.228,66 4.824.223,42 718 649.217,50 4.824.209,60 719 649.209,28 4.824.209,07 720 649.187,76 4.824.219,49 721 649.177,40 4.824.236,49 722 649.171,26 4.824.234,63 723 649.164,67 4.824.237,48 724 649.145,46 4.824.222,35 725 649.145,56 4.824.208,52
Marco X Y
726 649.169,27 4.824.191,72 727 649.191,93 4.824.185,49 728 649.191,66 4.824.176,73 729 649.175,75 4.824.173,37 730 649.166,37 4.824.183,99 731 649.140,99 4.824.181,87 732 649.123,04 4.824.188,06 734 649.106,77 4.824.168,36 735 649.099,29 4.824.164,58 736 649.094,42 4.824.165,22 746 649.082,41 4.824.165,22 747 649.027,43 4.824.164,55 748 648.995,64 4.824.163,30 Terra 1 649.001,24 4.824.050,23