A Xunta Electoral Provincial, en reunión do día de hoxe, á vista da delegación efectuada pola Xunta Electoral Central por medio da instrución do 25 de xaneiro en curso (BOE número 23, do 17 de xaneiro), acordou designar a Comisión de Radio e Televisión en relación co referendo convocado polo Real decreto 5/2005, do 14 de xaneiro, que terá lugar o 20 de febreiro, conforme dispón o artigo 65.5º da Lei orgánica 5/1985, do 19 de xuño, do réxime electoral xeral, en relación co artigo 14.1º da Lei orgánica 2/1980, do 18 de xaneiro, sobre regulación das distintas modalidades de referendo, corresponde, baixo a dirección desta Xunta Electoral Provincial, efectuar a proposta de distribución de espazos gratuítos de propaganda electoral nos medios de comunicación de titularidade pública de ámbito rexional ou provincial e daqueles outros medios de ámbito similar, que teñan tamén o carácter de públicos.

A Comisión de Radio e Televisión, que se constituirá o próximo día trinta e un do mes que corre, ás dez horas, na Secretaría desta Xunta Electoral Provincial, estará formada polas seguintes persoas:

Presidente: José Luis Iravedra Lestal, proposto polo Partido Popular.

Vogais: Francisco Suárez Fernández, proposto polo Partido Socialista Obrero Español e Lois Obelleiro Piñón, proposto polo Bloque Nacionalista Galego.

A Coruña, 27 de xaneiro de 2005.

Manuel Ferreiro González

Secretario