Visto o texto do acordo asinado o día 30 de novembro de 2004 pola comisión negociadora do convenio colectivo para o sector da edificación e obras públicas da provincia de Lugo (código 2700255), integrada pola representación da Asociación Provincial de Empresarios da Construción (APEC) de Lugo e das centrais sindicais MCA-UGT (36%), Fecoma-CC.OO (50%) e FCM-CIG (8,5%) (que non asinou a acta), mediante o que se fixa o calendario laboral para o ano 2005, no ámbito do referido convenio, e de conformidade co disposto no artigo 90 números 2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores e no Real decreto 1040/1981, do 22 de maio, sobre rexistro e depósito de convenios colectivos de traballo.
Esta delegación provincial
ACORDA:
Primeiro.-Ordenar a inscrición do citado acordo no rexistro de convenios desta delegación, así como o seu depósito.
Segundo.-Remitir o texto do mentado acordo á Dirección Xeral de Relacións Laborais da Xunta de Galicia.
Terceiro.-Dispoñer a súa publicación no Diario Oficial de Galicia.
Lugo, 10 de decembro de 2004.
Ana Chao Vázquez
Delegada provincial de Lugo