De conformidade co establecido no artigo 19 da Lei 16/1987, do 30 de xullo, de ordenación dos transportes terrestres, as tarifas dos transportes públicos deben cubrir a totalidade dos custos de explotación, permitir unha adecuada amortización e un razoable beneficio empresarial.
Os referidos custos de explotación do transporte víronse afectados dun xeito moi notable no ano 2004 polo encarecemento anómalo dos combustibles, a segunda partida máis importante na estrutura de custos dos taxis.
É por isto que procede, no contexto de tarifas públicas determinadas pola Administración, restablecer o equilibrio económico da explotación aprobando o correspondente incremento tarifario.
Estímase conveniente, noutra orde de cousas, modificar o cobramento do suplemento por viaxes en domingos, festivos e nocturnos substituíndo a contía fixa de 2 A, anteriormente fixada, por unha recarga do 20% de xeito que as viaxes de curto percorrido, as máis frecuentes en ámbito periurbano, reducirían a carga porcentual que supón este suplemento.
Na súa virtude,
DISPOÑO:
Artigo 1º.-Ámbito de aplicación.
Rexeranse polo establecido nesta orde os servizos realizados por vehículos de menos de 10 prazas, incluído o condutor, provistos de autorización de transporte documentada en tarxeta VT-N, que presten servizos interurbanos con orixe ou destino en Galicia. Quedan fóra desta regulación as autorizacións de alugamento de vehículos con condutor.
Artigo 2º.-Tarifas.
Os servizos descritos no artigo anterior prestaranse con suxeición ás seguintes tarifas máximas, impostos incluídos:
-Prezo por km percorrido: 0,85 A.
-Prezo por hora de espera: 11,30 A.
-Mínimo de percepción: 2,55 A.
-Suplemento para domingo, festivo ou nocturno (entre as 23.00 e as 6.00 horas en días laborables e entre as 0.00 e as 24.00 horas en domingos e festivos: 20%).
Os tempos de espera motivados polo abandono temporal do coche polo usuario facturaranse a razón de 2,80 A por fracción de 15 minutos. Durante o
transcurso da 1ª hora de espera, o usuario terá dereito a dispoñer gratuitamente dun tempo de espera de 15 minutos.
Artigo 3º.-Taxímetro.
Os titulares de autorizacións de transporte documentadas en tarxetas VT-N poderán instalar un taxímetro homologado, calquera que sexa a localidade en que teña residencia a súa autorización de transporte.
Os vehículos provistos de taxímetro deberán, sen prexuízo da aplicación da tarifa urbana no seu caso aprobada, determinar en todo caso o prezo do servizo mediante o taxímetro que se axustará aos pasos por tempo ou por quilómetro nas contías seguintes:
-Valor do paso: 0,05 A.
-Metros por salto: 58,82.
-Segundos por salto: 15,93.
-Metros primeiro salto: 3.000.
-Tempo primeiro salto: 13' 32''.
A percepción mínima prevista no artigo 2º subsumirá os saltos correspondentes de distancia e tempo, de forma que tan só a partir da distancia ou do tempo correspondente ao primeiro salto comezarán a computarse os pasos sucesivos.
Artigo 4º.-Vehículos non provistos de taxímetro.
Aos servizos prestados por taxis non provistos de taxímetro seranlles de aplicación as tarifas establecidas por km, prezo de espera e mínimo de percepción.
O mínimo de percepción cubrirá os 3 primeiros quilómetros, polo que non será acumulable á tarifa de distancia por cada quilómetro ou fracción.
Artigo 5º.-Publicación das tarifas.
Os vehículos aos que afecta esta orde deberán expoñer as tarifas interurbanas vixentes de forma visible no interior do vehículo segundo o modelo recollido no anexo a esta orde, sen prexuízo da obriga de expoñer, se é o caso, as tarifas urbanas de forma independente.
Artigo 6º.-Cálculo da tarifa.
As tarifas establecidas nesta disposición refírense, en todo caso, á contratación por coche completo.
Os titulares de vehículos non provistos de taxímetro deberán aplicar a tarifa por distancia aos quilómetros, e á fracción de quilómetro, percorridos que determine o contaquilómetros do vehículo.
Antes do inicio da viaxe deberase poñer o contaquilómetros parcial a cero comunicándolle ao usuario a dita circunstancia.
O itinerario do servizo será determinado polo contratante do servizo antes do inicio.
No caso contrario deberase seguir a ruta máis curta das posibles, debendo o condutor notificarlle ao ocupante as alternacións do dito percorrido cando con
corran causas de forza maior ou circunstancias que aconsellen unha ruta alternativa.
O prezo por distancia establecido nesta orde aplicarase ao traxecto de ida.
Cando o usuario do servizo retorne ao punto de inicio por un itinerario máis longo por decisión deste, o transportista, ademais dos suplementos que correspondan por espera no lugar de destino, terá dereito a cobrar o incremento de quilómetros, respecto á viaxe de ida, conforme o valor establecido por quilómetro ou fracción.
Artigo 7º.-Percorridos mixtos.
Cando o servizo contratado conte cun tramo urbano e outro interurbano aplicarase a tarifa urbana ata os límites establecidos pola ordenanza correspondente e, a partir do dito punto, a tarifa regulada nesta orde. O condutor do vehículo deberá advertirlle ao usuario a dita circunstancia no momento que cambie o réxime de tarifas.
Artigo 8º.-Emisión de facturas.
O contratante do servizo poderá exixir unha factura na que se reflictan os puntos de inicio e termo do servizo, a tarifa resultante do percorrido e, se é o caso, a contía dos suplementos por espera, horario nocturno e días festivos.
Cando o vehículo non estea provisto de aparello taxímetro deberase consignar a quilometraxe na viaxe de ida e, se é o caso, o suplemento establecido no punto 4 do artigo 6º para o percorrido adicional no regreso.
Sempre que os contratantes estipulasen unha tarifa antes do inicio do servizo, a dita circunstancia deberá quedar reflectida na factura, así como a indicación proporcionada polo transportista do custo do servizo cando o contratante do servizo demande a inclusión da dita mención.
Artigo 9º.-Equipaxes.
O usuario terá dereito ao transporte gratuíto de equipaxes de ata 75 kg de peso nos vehículos de ata 4 prazas, e de 90 kg nos de capacidade superior, sempre que o seu volume permita transportalos no maleteiro ou na baca do vehículo sen contravir as normas de tráfico e circulación.
Cando non se utilicen o número total de prazas poderanse incrementar as ditas cifras a razón de 30 kg por asento libre sempre que o condutor do vehículo acceda a isto e as dimensións e natureza da equipaxe posibiliten o seu transporte.
Artigo 10º.-Devolución de cambio.
Os prestadores dos servizos regulados nesta orde non terán obriga de proporcionar a devolución de billetes cando a diferenza entre o billete ofrecido e o importe do transporte exceda de 20 A.
Disposicións derradeiras
Primeira.-Autorízase o director xeral de Transportes a actualizar as contías establecidas, mediante
a aplicación dos coeficientes correspondentes á evolución do índice xeral de prezos ao consumo de Galicia.
Segunda.-Esta orde entrará en vigor o día seguinte ao da súa publicación no Diario Oficial de Galicia.
Santiago de Compostela, 30 de decembro de 2004.
Alberto Núñez Feijoo
Vicepresidente primeiro e conselleiro de Política
Territorial, Obras Públicas e Vivenda
ANEXO
Tarifas de taxis para servizos discrecionais de transporte de viaxeiros con autorización de clase VT-N, en percorridos con orixe ou destino en Galicia.
Prezo por quilómetro (viaxe de ida só) 0,85 A Mínimo percepción 2,55 A
Prezo hora de espera 11,30 A Prezo fracción 15 minutos 2,80 A
Suplemento tarifa domingos, festivos e nocturno (das 23.00 ás 6.00 horas en días laborables e entre as 0.00 e as 24.00 horas en domingos e festivos) 20%
Valor do paso equivalente a 58,82 metros ou 15,93 segundos 0,05 A
Condicións aplicables
1. As tarifas levan incluídos os impostos.
2. Os servizos contrátanse por coche completo e as tarifas compútanse só na viaxe de ida, salvo que as partes contratantes acorden computar o retorno.
3. Non existe obriga de facilitar cambio superior a 20 A.
4. Existe un libro de reclamacións á disposición dos usuarios.
5. A percepción mínima corresponde a un primeiro salto de 3.000 metros ou 13' 53''.
6. Durante o transcurso da primeira hora de espera o usuario terá dereito a dispoñer dun tempo de espera de quince minutos. Transcorrido este, computarase por fracción de quince minutos a razón de 2,80 euros por cada fracción.
Vehículo matrícula
Titular da autorización
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA
