Advertidos erros na citada orde, publicada no Diario Oficial de Galicia nº 246, do 21 de decembro de 2004, cómpre facer as seguintes correccións:

Na páxina 17.759, o texto do artigo 1º debe substituírse polo seguinte:

«O prazo de presentación de solicitudes de axuda fixado no artigo 15 da Orde do 26 de xullo de 2000, pola que se establecen as bases reguladoras aplicables á concesión de axudas a investimentos no ámbito da acuicultura (DOG nº 150, do 3 de agosto), modificada polas ordes do 1 de decembro de 2000 (DOG nº 49, do 9 de marzo de 2001) e do 26 de novembro de 2002 (DOG nº 231, do 29 de novembro), para o exercicio orzamentario 2005, estenderase ata o 31 de xaneiro de 2005, incluído».