Co obxecto de precisar máis o período de duración de cinco bolsas de colaboración en tarefas de estudo e análise sobre materias xurídicas e político-administrativas convocadas por Resolución do 22 de decembro de 2004 (DOG nº 252, do 29 de decembro), cómpre modificar o primeiro parágrafo da base segunda desta convocatoria que queda redactada da seguinte forma:

«As tarefas relativas a estas bolsas iniciaranse a partir do 1 de marzo e rematarán o 31 de decembro de 2005. Poderán ser prorrogadas, en función do aproveitamento do adxudicatario, sempre que exista crédito adecuado e suficiente, por un ano ou, se é o caso, ata que se resolva a convocatoria do ano 2006».

Santiago de Compostela, 30 de decembro de 2004.

Domingo Bello Janeiro

Director da Escola Galega de Administración

Pública