Por orde desta consellería do 27 de xullo de 2004, resolveuse non aprobar o Plan Xeral de Ordenación Municipal de Lousame, de conformidade co previsto no artigo 85.5º b) da Lei 9/2002, do 30 de decembro, de ordenación urbanística e protección do medio rural de Galicia, ordenando a emenda dunha serie de deficiencias.

Segundo se fai constar en certificación municipal que consta no expediente, o concello, en sesión plenaria do 5 de outubro de 2004, aprobou as correccións e modificacións derivadas da Orde do 27 de xullo de 2004.

O Concello de Lousame remite o documento refundido do Plan Xeral de Ordenación Municipal para a súa aprobación definitiva, de conformidade co previsto no artigo 85.5º da Lei 9/2002, do 30 de decembro, de ordenación urbanística e protección do medio rural de Galicia.

De conformidade co disposto polo artigo 89.1º da Lei 9/2002, a competencia para a aprobación definitiva dos plans xerais de ordenación municipal correspóndelle ao conselleiro competente en materia de urbanismo e ordenación do territorio.

Visto canto antecede, ao abeiro do disposto no artigo 85.5º a) da Lei 9/2002, do 30 de decembro, de ordenación urbanística e protección do medio rural de Galicia, e por proposta da Dirección Xeral de Urbanismo segundo informe do 29 de decembro de 2004,

RESOLVO:

Artigo 1º.-Apróbase o Plan Xeral de Ordenación Municipal de Lousame, coa seguinte puntualización:

-No núcleo de Comparada (parroquia de Vilacova) e de conformidade co artigo 32.2º c) da Lei 9/2002, os terreos situados entre a estrada AC-308 e a liña paralela a ela situada a sete metros da aresta exterior da explanación quedarán clasificados como solo rústico de protección de infraestruturas.

Artigo 2º.-De conformidade co disposto polos artigos 92 da Lei 9/2002, e 70 da Lei 7/1985, do 2 de abril, reguladora das bases de réxime local, o concello deberá publicar a normativa e ordenanzas do plan aprobado definitivamente no BOP.

Disposición derradeira

Contra esta orde, que pon fin á vía administrativa, cabe interpoñer recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses contados

desde o día seguinte ao da súa publicación, segundo dispoñen os artigos 10 e 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 29 de decembro de 2004.

Alberto Núñez Feijoo

Vicepresidente primeiro e conselleiro de Política

Territorial, Obras Públicas e Vivenda