Tendo en conta o positivo impacto que para a actividade económica veñen tendo as medidas establecidas ao abeiro do Plan de Dinamización Económica co fin de garantir as porcentaxes mínimas de apoio conxunto entre incentivos rexionais e o Igape do 35% de investimento incentivable para os proxectos que se localicen na Costa da Morte e do 30% para os novos proxectos ou os proxectos de ampliación que se localicen en determinadas zonas de Lugo e Ourense, considérase de interese prorrogar durante os anos 2005 e 2006 a vixencia da disposición transitoria establecida nas bases reguladoras das axudas do Igape aos proxectos empresariais de investimento, aprobada mediante acordo do Consello de Dirección do Igape do 5 de xuño de 2003 e publicada no DOG nº 120, do 23 de xuño de 2003.

Por todo o anterior, e de conformidade coas facultades que teño conferidas

RESOLVO:

Prorrogar ata o 31 de decembro de 2006 a vixencia da disposición transitoria das bases reguladoras das axudas do Igape aos proxectos empresariais de investimento.

Esta resolución ten efectos desde o 1 de xaneiro de 2005, e afecta as solicitudes presentadas desde esa data.

Santiago de Compostela, 27 de decembro de 2004.

Margarita Rodríguez Rama

Directora xeral do Instituto Galego

de Promoción Económica