Para os efectos previstos na Lei 54/1997, do 27 de novembro, e no artigo 125 do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización da instalación eléctrica que se cita:

Solicitante: Unión Fenosa Distribución, S.A.

Domicilio social: Travesía de Vigo, 204, 36207 Vigo.

Denominación: L.M.T., C.T. Cruces.

Situación: concello de Lalín.

Descricións técnicas: L.M.T. subterránea a 20 kV con condutor tipo R.H.Z. de 93 m de lonxitude, con orixe na L.M.T.S. LAL810-Lalín II, entre os CC.TT. Corredoira e avda. de Cruces, e remate nesta unha vez que entre e saia do novo C.T. que se proxecta, de 400 kVA R.T. 20 kV/400-230 V, na avda. de Cruces de Lalín.

Todas aquelas persoas ou entidades que se consideren afectadas poderán presentar as súas alegacións, nesta delegación provincial, no prazo de vinte días.

Pontevedra, 11 de novembro de 2004.

Carmen Bianchi Valcarce

Delegada provincial de Pontevedra