En sesión celebrada o día 21 de decembro de 2004, o tribunal III-H, designado pola Orde do 27 de maio de 2004 para xulgar o proceso selectivo para o acceso ás categorías 001 (encargado de equipos mecánicos) e 67 (capataz de obras) do grupo III do persoal laboral fixo da Xunta de Galicia, convocado polas ordes de 19 de decembro de 2003 (DOG nº 252, do 30 de decembro), para a quenda de acceso libre, acordou:

Primeiro.-Facer públicas as puntuacións provisionais da fase de concurso obtidas polos aspirantes que superaron a fase de oposición das categorías 001 (encargado equipos mecánicos) e 067 (capataz de obras), pola quenda de acceso libre, atopándose expostas na Consellería da Presidencia, Relacións

Institucionais e Administración Pública, e nas súas delegacións provinciais, así como na páxina web www.xunta.es.

Segundo.-Conceder un prazo de dez (10) días, contados desde o seguinte a aquel en que se publique esta resolución no Diario Oficial de Galicia, para efectos da presentación de alegacións en relación coa presente resolución, dirixidas á Consellería da Presidencia, Relacións Institucionais e Administración Pública.

Santiago de Compostela, 21 de decembro de 2004.

Mª Lourdes Batán Aira

Presidenta do tribunal