Manuel Ferreiro González, secretario da sección segunda da Audiencia Provincial da Coruña, certifica que nos presentes autos de apelación se ditou sentenza cuxo encabezamento e decisión son do teor literal seguinte:

Rolo: recurso de apelación 1314/2003-MA.

Xulgado de Primeira Instancia e Instrucción número tres de Betanzos.

Número 329.

Na Coruña, o vinte e nove de outubro de dous mil catro.

A sección segunda da Audiencia Provincial da Coruña, constituída por María del Carmen Taboada Caseiro, María José Pérez Pena e Luis Barrientos Monge, maxistrados.

En nome de El-Rei pronunciaron a seguinte sentenza:

«Visto en grao de apelación perante esta sección segunda da Audiencia Provincial da Coruña os autos de menor contía 156/2000, procedentes do Xulgado de Primeira Instancia e Instrución número 3 de Betanzos, aos que lle correspondeu o rolo 1314/2003, en que aparece como parte apelante Margarita Botana Mosquera e como apelado Antonio Vázquez Beade e Antonia Barros Mallo e Manuela Mayo Vázquez, en situación de rebeldía procesual, sobre acción declarativa de domino, deslinde e marcación, e sendo maxistrado relator Luis Barrientos Monge.

Decidimos que, con desestimación do recurso de apelación promovido pola representación procesual de Margarita Botana Mosquera, contra a sentenza de data 20 de xaneiro de 2003, ditada nas presentes actuacións acumuladas de xuízos de menor contía números 156 e 304/2000, debemos confirmar e confirmamos a dita resolución.

Impónselle á parte recorrente as custas da alzada, por ser preceptivo.

Así, por esta nosa sentenza, pronunciámolo, mandámolo e asinámolo».

E para que conste, para os efectos oportunos, expido e asino esta cédula na Coruña o vinte e nove de novembro de 2004.

O secretario

Rubricado