O convenio de apoio financeiro 2004-2006 aos investimentos das pequenas e medianas empresas financiado mediante contratos de arrendamento financeiro, subscrito entre o Instituto Galego de Pro

moción Económica e as entidades de crédito, publicado mediante Resolución do 27 de xaneiro de 2004 (DOG nº 20, do 30 de xaneiro), prevé a publicación no Diario Oficial de Galicia do límite de crédito dispoñible para a concesión de axudas no ano 2005 e das partidas orzamentarias asignadas ao seu financiamento, así como do tipo de xuro aplicable no ano 2005, procedendo igualmente a indicar a contía máxima que se vai financiar mediante contratos de arrendamento financeiro.

Dado que a aplicación da cláusula transitoria do ano 2004 supuxo un incremento importante dos proxectos que se van apoiar mediante este programa, e tendo en conta a demanda de financiamento manifestada polas Pemes galegas para novos proxectos que se van realizar, considérase conveniente esta

blecer unha nova cláusula modificando o requisito de emprego para acceder a condicións de subsidiación máis beneficiosas, estendendo a súa aplicación ás solicitudes de axuda presentadas no ano 2005.

Así mesmo, e para lles dar resposta ás necesidades de financiamento manifestadas polas empresas e acadar unha maior eficacia no pagamento da axuda, posibilítase a formalización de operacións subsidiables por un prazo superior aos 60 meses inicialmente previstos e establécese o pagamento da axuda dunha soa vez.

Por todo o anterior, e de conformidade coas facultades que teño conferidas

RESOLVO:

Primeiro.-Para o ano 2005, as axudas reguladas no convenio de apoio financeiro 2004-2006 aos investimento das pequenas e medianas empresas financiado mediante contratos de arrendamento financeiro, subscrito entre o Igape e as entidades de crédito, financiaranse con cargo ás aplicacións orzamentarias 02.01.01/06/02.656700 cun crédito plurianual de 687.000 euros para o ano 2005 e de 2.000.000 de euros para o ano 2006. A concesión das axudas condicionarase á existencia de crédito orzamentario suficiente.

Segundo.-As entidades de crédito poderán subscribir contratos de arrendamento financeiro nos termos e condicións establecidos no convenio, ata a contía máxima de 42.060.726,26 A para o exercicio 2005.

Terceiro.-O tipos de xuro aplicables no ano 2005 serán os seguintes:

Para as operacións a tipo fixo solicitadas durante o ano 2005, o 3,85%.

Para as operacións a tipo de xuro variable, será o 3,35% durante o ano 2005.

Cuarto.-Establécese unha nova cláusula de aplicación transitoria con vixencia durante o ano 2005, de xeito que para as solicitudes de axuda presentadas no Igape no ano 2005, se establecen as seguintes condicións:

1. As cláusulas 8.4.3 e 8.4.4 quedan modificadas pola seguinte redacción:

8.4.3. A subsidiación do tipo de xuro será de 3 puntos para empresas de nova creación, empresas que creen 3 ou máis empregos con contrato indefinido, sempre que sexa mantido durante polo menos dous anos desde a data de contratación, empresas que realicen o seu proxecto investidor nalgún dos concellos que se relacionan no anexo II ou empresas cuxa actividade principal sexa o transporte de mercadorías ou de viaxeiros por estrada e acometan proxectos de renovación da frota dirixidos á súa modernización e mellora ambiental, e de 2 puntos para o resto dos casos.

8.4.4. O tipo de xuro resultante para o beneficiario, é dicir, o tipo de xuro menos os puntos de subsidiación, non poderá ser inferior ao 1% para empresas de nova creación, empresas que creen 5 ou máis empregos, empresas que realicen o seu proxecto investidor nalgún dos concellos que se relacionan no anexo II ou empresas cuxa actividade principal sexa o transporte de mercadorías ou de viaxeiros por estrada e acometan proxectos de renovación da frota dirixidos á súa modernización e mellora ambiental, e ao 2% para o resto dos casos.

2. As condicións relativas á creación de emprego, establecidas na cláusula 8.4.5, así como a xustificación do seu cumprimento, establecida nas cláusulas 10.3 e 10.4, aplicaranse exclusivamente para aquelas empresas que creen 5 ou máis empregos.

Quinto.-Modifícase o convenio nos seguintes termos:

1. A cláusula 8ª, punto 8.2. Duración dos contratos, pasa a ter a seguinte redacción:

Os contratos de arrendamento financeiro terán unha duración mínima de dous anos e máxima de sete anos.

2. A cláusula 8ª, punto 8.4.1., onde di Operacións entre 37 e 60 meses, pasa a dicir, Operacións entre 37 e 84 meses.

3. A cláusula 10ª.-Xustificación do proxecto e do mantemento e creación de emprego, pasa a ter a seguinte redacción:

Claúsula 10ª.-Xustificación do proxecto e solicitude de cobramento.

10.1.-Xustificación do proxecto e solicitude de cobramento.

Para a xustificación do proxecto de investimento e solicitude de cobramento da axuda, a entidade de crédito deberalle remitir ao Igape a seguinte documentación:

-Solicitude de cobramento: modelo establecido no anexo IX.

-Copia cotexada pola entidade de crédito do contrato de arrendamento.

-Copias cotexadas pola entidade de crédito dos documentos xustificativos do investimento e dos medios de pagamento.

-Documentación acreditativa do cumprimento da condición de creación de emprego: TC1 e TC2 e, se é o caso, recibos de cotización correspondentes.

-Declaración complementaria do conxunto de axudas solicitadas ou obtidas polo beneficiario para o proxecto (anexo VII).

-Documentación acreditativa das condicións particulares establecidas na resolución de concesión.

-Certificacións acreditativas do cumprimento de obrigas fiscais, de estar ao día coa Seguridade Social e coa Comunidade Autónoma galega.

-Certificación expedida pola entidade financeira acreditativa da titularidade da empresa do nº de conta onde se deberá efectuar o pagamento da subvención.

A remisión ao Igape da documentación xustificativa sinalada no apartado anterior resultará necesaria para proceder ao pagamento da subsidiación aprobada, podendo o Igape solicitar cualquera otra documentación que coide necesaria para a resolución da solicitude.

10.2. Proxectos correspondentes a contratos de arrendamento financeiro por importe superior a 800.000 A.

De acordo co establecido no artigo 15.3 do Decreto 287/2000, polo que se desenvolve o réxime de axudas e subvencións públicas da Comunidade Autónoma de Galicia, a comprobación material do investimento aprobado para contratos de arrendamento financeiro por importe a financiar superior a 800.000 A substitúese por xustificación documental consistente na copia cotexada do contrato de arrendamento financeiro formalizado, certificado de conformidade coa entrega do ben arrendado e copias cotexadas de documentación xustificativa da realización do investimento. Iso sen prexuízo da posibilidade de realización polo Igape de cualquera outras actuacións de control e inspección que poida considerar oportunas.

10.3. Xustificación do mantemento de emprego.

Unha vez transcorridos dous anos desde o prazo límite para a creación de emprego, establecido na cláusula 8.4.5, o beneficiario deberalle remitir ao Igape a seguinte documentación acreditativa do mantemento de emprego: TC1 e TC2 e, se é o caso, recibos de cotización correspondentes.

Naqueles expedientes suxeitos ao cumprimento da condición a que se refire o punto 2 da cláusula 2ª, o Igape, igualmente, comprobará que se acadaron os niveis de estabilidade laboral exixidos.

4. A cláusula 11ª.-Liquidación e pagamento da subsidiación, pasa a ter a seguinte redacción:

Cláusula 11ª.-Cálculo da axuda financeira, xustificación do proxecto e solicitude de cobramento.

11ª.1.-Cálculo da axuda financeira:

A axuda financera que se conceda pagarase dunha soa vez e para o seu cálculo procederase do seguinte xeito:

a) O importe da subvención calcularase mediante a elaboración de táboas ou cadros de amortización nos cales se tomará como tipo de xuro os puntos de subsidiación efectivos concedidos e como prazo

o do total do contrato. Para estes efectos teranse en conta as seguintes consideracións:

1. As cotas son prepagables, é dicir, pagadas ao principio do período.

2. No momento contractual realizarase o desembolso da entrega á conta e da primeira cota, ambas constituídas soamente por capital. Non se imputarán, polo tanto, xuros á primeira cota.

3. No resto das cotas convense o aboamento anticipado dos xuros, o que deixa o valor residual con capital exclusivamente.

4. O cálculo da cota, aplicando as características anteriores ao método preparable francés, vén dado pola expresión:

C - V (1 + i)

a =

l - (l + i)

(l + i)

i

Onde:

a = importe da cota do período.

C = capital inicial.

V = valor residual para exercer a opción de compra.

i= xuro do período en tanto por un.

TIN

i =

100p

TIN = tipo de xuro nominal anual.

p = nº de veces que se cobra a cota durante o ano (12).

O total da columna carga financeira do cadro de amortización, así calculado, será o montante da subsidiación para todo o período.

Actualizaranse os valores absolutos obtidos anteriormente, utilizando como taxa de actualización o tipo de xuro legal do diñeiro correspondente ao ano da presentación da solicitude no Igape.

b) Para a determinación dos puntos de subvención efectivos terase en conta o establecido na cláusula 8.4.4 e tomarase como tipo de xuro nominal o que corresponda ao ano da presentación da solicitude no Igape.

c) No caso de que o contrato sexa cancelado, total ou parcialmente, calcularase o novo importe da subvención e o importe que terá que reintegrar o beneficiario ao Igape, que deberá realizar na forma e prazos que se estableza na resolución de reintegro.

Sexto.-O anexo IX (solicitude de cobramento de subsidiación) substitúese polo que se une a esta resolución.

Sétimo.-Esta resolución entrará en vigor o día 3 de xaneiro de 2005.

Santiago de Compostela, 27 de decembro de 2004.

Margarita Rodríguez Rama

Directora xeral do Instituto Galego de Promoción

Económica