O convenio de apoio financeiro 2004-2006 ao sector transporte público por estrada de Galicia para a renovación da frota de vehículos, subscrito entre o Instituto Galego de Promoción Económica e as entidades de crédito, publicado mediante Resolución do 14 de maio de 2004 (DOG nº 100, do 26 de maio), prevé que o Igape proceda á convocatoria anual das axudas neste reguladas, mediante publicación no Diario Oficial de Galicia do límite de crédito dispoñible para a súa concesión e a partida orzamentaria destinada ao seu financiamento.

Así mesmo, prevé a publicación no Diario Oficial de Galicia do tipo de xuro de referencia para cada ano de vixencia do convenio, procedendo igualmente a indicar a contía máxima que se vai financiar mediante contratos de arrendamento financeiro.

Polo que antecede,

RESOLVO:

Primeiro.-Convócanse para o exercicio 2005 as axudas reguladas no convenio de apoio financeiro 2004-2006 ao sector transporte público por estrada de Galicia para a renovación da frota de vehículos, subscrito entre o Igape e as entidades de crédito, que se financiarán con cargo á aplicación orzamentaria 02.01.01/06/06.656700 cun crédito plurianual de 518.490,38 euros para o ano 2005 e de 224.509,62 euros para o ano 2006, e a súa concesión estará supeditada á existencia de crédito orzamentario suficiente.

Segundo.-As entidades de crédito poderán subscribir contratos de arrendamento financeiro nos termos e condicións establecidos no convenio, ata unha contía máxima que se financiará total de 8 millóns de euros.

Terceiro.-Os tipos de xuro que serán de aplicación ás operacións solicitadas ao abeiro deste convenio durante o ano 2005, serán os seguintes:

-Para as operacións a tipo fixo, o 3,85%.

-Para as operacións a tipo variable, o 3,35% durante o ano 2005.

Santiago de Compostela, 17 de decembro de 2004.

Margarita Rodríguez Rama

Directora xeral do Instituto Galego de

Promoción Económica