De conformidade co previsto na base 3.5 do Acordo do 14 de outubro de 2004 polo que se convoca proceso selectivo para a cobertura por persoal laboral fixo dun posto de traballo de técnico de mantemento do cadro de persoal desta Fundación Pública Escola Galega de Administración Sanitaria (Fegas), encadrado no grupo 9 da clasificación de persoal recollida no artigo 31 do convenio colectivo para o persoal laboral do sector sanitario de Galicia xestionado por fundacións públicas sanitarias ou empresas públicas, publicado por Resolución do 6 de maio de 2002 (DOG nº 94, do 16 de maio), ao que se adheriu esta fundación segundo se acredita en Resolución do 7 de agosto de 2002 (DOG nº 188, do 30 de setembro), anúnciase que a primeira e segunda proba eliminatoria do dito proceso selectivo realizaranse o vindeiro luns día 10 de xaneiro de 2005 ás 17.00 horas na sede da Fegas.

Os aspirantes deberán acudir provistos do documento nacional de identidade e de bolígrafo azul ou negro. O chamamento é único polo que quedarán excluídos do proceso os aspirantes que non comparezan. Non se permitirá a entrada con teléfonos móbiles.

Santiago de Compostela, 28 de decembro de 2004.

Javier Bouzada Romero

Presidente da comisión de selección da Fundación

Pública Escola Galega de Administración

Sanitaria