No DOG nº 243, do 16 de decembro de 2004, publicouse a Resolución do 9 de decembro de 2004 pola que se anunciaba a licitación, polo sistema de concurso, con procedemento aberto para a contratación dos servizos enriba citados.

A documentación necesaria para preparar as ofertas púxose a disposición dos licitadores na páxina web www.xunta.es/contratacion. Nos pregos de prescricións técnicas enviados ao portal informático detectáronse as seguintes contradicións internas:

No punto 3.1 do prego de prescricións técnicas, establécese que o número mínimo de efectivos para a realización dos traballos é dun (1) traballador. Sen embargo, no orzamento estimado de execución tense en conta o salario de tres (3) traballadores. Verificada a dita incongruencia procedeuse a corrixir o punto 3.1 do prego de prescricións técnicas, onde di: «un (1) traballador», debe dicir: «tres (3) traballadores».

No punto 4 do prego de prescricións técnicas indícase que a xornada laboral será de dúas horas diarias. Sen embargo, no orzamento establécese que a dedicación de cada traballador será de tres horas diarias. Verificada a dita incongruencia procedeuse a corrixir o punto 4 do prego de prescricións técnicas, onde di: «durante dúas horas», debe dicir: «durante tres horas diarias cada un dos traballadores».

O que se publica para xeral coñecemento.

Dado que este anuncio non afecta o anuncio de licitación non se considera un erro substancial polo que non modifica o publicado no DOG do 16 de decembro de 2004.

Santiago de Compostela, 23 de decembro de 2004.

Juan Carlos Argüello Fernández

Secretario xeral do organismo autónomo Augas de Galicia