Para os efectos previstos na Lei 16/2002, do 1 de xullo, de prevención e control integrados da con

taminación (BOE nº 157, do 2 de xullo), no Decreto 327/1991, do 4 de outubro, de avaliación de efectos ambientais para Galicia (DOG nº 199, do 15 de outubro) e no Decreto 2414/1961, do 30 de novembro, polo que se aproba o Regulamento de actividades molestas, insalubres, nocivas e perigosas (BOE nº 292, do 7 de decembro), faise público que quedará exposta, durante 30 días hábiles en horas de atención ao público, a documentación correspondente á solicitude de autorización ambiental integrada, que incorpora o estudo de efectos ambientais e a documentación para a obtención da licenza de actividade do proxecto que se cita, co fin de que calquera interesado poida consultalos e, se é o caso, formular as alegacións, suxestións ou observacións que estime convenientes. Para iso, poranse á disposición dos administrados exemplares da devandita documentación nas seguintes dependencias:

-Dirección Xeral de Calidade e Avaliación Ambiental (San Lázaro, s/n 15781 Santiago de Compostela).

-Delegación Provincial da Consellería de Medio Ambiente en Pontevedra (rúa Nova de Abaixo, 2-36071 Pontevedra).

-Concello do Porriño (A Rapeira s/n, Pontevedra).

O prazo comezará a contar e entenderase aberto a partir da data da derradeira das publicacións que corresponden facer desta resolución no Diario Oficial de Galicia (DOG) e no BOP de Pontevedra. Transcorrido o dito período de tempo non se admitirá nin se terá en conta ningún escrito.

Santiago de Compostela, 22 de novembro de 2004.

José Manuel Álvarez-Campana Gallo

Director xeral de Calidade e Avaliación Ambiental

ANEXO

Memoria resumo

Clave: 2003/0276 (IPPC/AEA).

Peticionario: Recuperadora Gallega de Disolventes (Regadi, S.A.)

Domicilio: estrada Salceda de Caselas 23, 36418 O Porriño (Pontevedra).

Actividade: recuperación de disolventes.

Localización: as coordenadas UTM que definen a parcela son:

XY

531718,274664560,80

531778,964664492,86

531721,674664423,22

531718,274664434,54

531739,034664462,57

531700,684664523,43

Obra civil: sobre unha parcela de 4.916 m ocuparase un 37% cun edificio dedicado a produción e outro a servizos.

Etapas de proceso: almacenamento, evaporación e destilación.

Capacidade de tratamento: 700 kg/h de disolventes usados.