Para os efectos previstos no artigo 93 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas, esta secretaría xeral acordou dar publicidade á adxudicación do contrato de consultoría e asistencia para a realización dun estudo sobre a adecuación do balance entre a oferta e a demanda en Galicia (expediente 4/2004 DXC).
1. Entidade adxudicadora.
Organismo: Consellería de Innovación, Industria e Comercio.
Dependencia que tramita o expediente: Dirección Xeral de Comercio e Consumo.
Número de expediente: 4/2004 DXC.
2. Obxecto do contrato.
Tipo de contrato: consultoría e asistencia.
Descrición do obxecto: a realización dun estudo sobre a adecuación entre a oferta e a demanda comercial na Comunidade Autónoma de Galicia. O devandito estudo ten como finalidade determinar os déficits ou superávits de dotación comercial existentes en Galicia e dimensionar o crecemento potencial de grandes establecementos comerciais nos diferentes ámbitos territoriais nos que se divide o territorio galego, contribuíndo desta maneira ao seu equilibrio territorial para poder efectuar unha axeitada ordenación do sector cara á implantación de grandes equipamentos comerciais na Comunidade Autónoma de Galicia.
Data de publicación do anuncio de licitación no DOG do 7 de setembro de 2004.
3. Tramitación, procedemento e forma de adxudicación.
Tramitación: ordinaria.
Procedemento: aberto.
Forma: concurso.
4. Orzamento base de licitación: 110.000 euros, IVE incluído.
5. Adxudicación.
Data: 29 de outubro de 2004.
Adxudicatario: Fundación Privada Institut Ildefons Cerdá.
Nacionalidade: española.
Importe de adxudicación: noventa e catro mil cincocentos euros (94.500 euros), IVE incluído.
Santiago de Compostela, 17 de novembro de 2004.
P.D. (Orde 21-1-2003, DOG do 17 de xaneiro)
Jesús Vázquez San Luis
Secretario xeral da Consellería de Innovación,
Industria e Comercio