Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S., C.T.C. urbanización Mesoiro.

Situación: A Coruña.

Descricións técnicas: liña eléctrica de media tensión subterránea, a 15 kV, cunha lonxitude de 2,575 km, con orixe no C.T. nº 11 da urbanización (expediente 395/2002), condutor tipo R.H.V., e final no C.D. existente (expediente 395/2002), conexionando os distintos transformadores, ben nesta liña ou na existente do expediente 395/2002.

Centros de transformación prefabricados nº 1, 2, 3, 4, 5, 6, 7, 9 e 10, cunha potencia de 630 kVA cada un e unha relación de transformación de 15.000/400-230 V. Concello da Coruña.

Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta delegación provincial resolve:

Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a seis meses, contados a partir da data desta resolución.

Contra a presente resolución poderase interpoñer recurso de alzada ante o conselleiro de Innovación, Industria e Comercio no prazo dun mes contado a partir do día seguinte ao da notificación desta resolución; tamén se poderá interpoñer calquera outro recurso que se estime pertinente.

A Coruña, 10 de novembro de 2004.

Jesús Espada Martínez

Delegado provincial da Coruña