O artigo 28 do vixente Estatuto de autonomía de Galicia establece no seu punto 2º a competencia da Comunidade Autónoma de Galicia para o desenvolvemento lexislativo e execución da lexislación do Estado en materia de expropiación forzosa.
Mediante o Decreto 254/2003, do 24 de abril, en cumprimento do disposto na disposición adicional sétima da Lei 6/2002, do 27 de decembro, de orzamentos xerais da Comunidade Autónoma de Galicia para o ano 2003, creouse a Sociedade Pública Autoestrada Alto Santo Domingo-Ourense, S.A., co obxecto
de levar a cabo as actividades de construción, explotación e conservación do treito Alto de Santo Domingo-Ourense da autoestrada A-53, Santiago de Compostela-Ourense.
Para a construción da dita autoestrada, a Sociedade Pública Autoestrada Alto Santo Domingo-Ourense, S.A., como beneficiaria, precisa dispoñer dos terreos necesarios para a execución das obras comprendidas no proxecto de trazado anteriormente mencionado.
Con data do 4 de novembro de 2004, procédese á aprobación do proxecto de trazado e estudo de impacto ambiental do semienlace sentido Ourense de conexión da autoestrada Santiago de Compostela-Ourense coa N-525 nas proximidades de Piñor, clave: OU/03/042.01.3, termo municipal de Piñor, polo director xeral de Obras Públicas por delegación do conselleiro de Política Territorial Obras Públicas e Vivenda.
Con data do 25 de novembro de 2004, a Xunta de Galicia procedeu a declaración de utilidade pública e urxente ocupación dos bens e dereitos necesarios para efectos de expropiación para a mencionada obra por Decreto 285/2004, publicado no DOG nº 243, do 16 de decembro.
Na súa virtude e en cumprimento do disposto nos artigos 52 da vixente Lei de expropiación forzosa do 16 de decembro de 1954 e 56 e seguintes do regulamento para a súa aplicación, este servizo no uso das facultades que lle confire o artigo 98 da mencionada lei, resolveu convocar os titulares de bens e dereitos afectados, para que comparezan no lugar, na data e na hora que se citan para proceder ao levantamento das actas previas á ocupación, nas que se recollerán os datos necesarios para determinar os bens e dereitos afectados, e os prexuízos derivados da rápida ocupación, sen prexuízo de se trasladar ao lugar dos predios se o consideran necesario.
Levantamento actas previas:
Antiga Casa do Concello de Piñor.
Data: 19 de xaneiro de 2005.
Horario: das 10.00 ás 13.00 horas.
De: Bernárdez González, Josefina a Gallego Vázquez, José.
Horario: das 16.00 ás 18.00 horas.
De: García Pousa, Celia a González Otero, Tito.
Data: 20 de xaneiro de 2005.
Horario: das 10.00 ás 13.00 horas.
De: González Pérez, Sergio a Romero González, Dolores Isaura.
Horario: das 16.00 ás 18.00 horas.
De: Sobrado Álvarez, Manuel a Vázquez Vázquez, Trinidad.
Así mesmo este servizo e en cumprimento do artigo 52.4º da Lei de expropiación forzosa, do 16 de decembro de 1954, e unha vez realizada a valoración do perito da entidade beneficiaria, resolve convocar os mesmos para proceder ao pagamento dos depósitos previos e mutuo acordo se procede.
Pagamento dos depósitos previos e mutuo acordo (se procede):
Antiga Casa do Concello de Piñor.
Data: 7 de febreiro de 2005.
Horario: das 10.00 ás 13.00 horas
De: Bernárdez González, Josefina a Vázquez Vázquez, Trinidad.
A relación de titulares cos bens e dereitos afectados, así como os planos parcelarios correspondentes estarán expostos no Concello de Piñor, e no Servizo Provincial de Estradas de Ourense (r/ Sáenz Díez, 1, 1º) 32071 Ourense.
Ao dito acto deberán acudir os titulares afectados, persoalmente ou ben representados pola persoa debidamente autorizada para actuar no seu nome, achegando os documentos acreditativos da súa titularidade, documento nacional de identidade, e último recibo da contribución, podendo acompañarse, pola súa conta, se o consideran oportuno dos seus peritos e notario.
Así mesmo, e no cumprimento do establecido no artigo 56 do regulamento da Lei de expropiación forzosa ábrese información pública durante o prazo de 15 días hábiles, contados a partir do seguinte ao da publicación desta resolución no Boletín Oficial del Estado ou ata o momento do levantamento das actas previas á ocupación correspondente, co fin de que os interesados poidan formular por escrito, ante este Servizo Provincial de Estradas en Ourense, as alegacións que coiden pertinentes co obxecto de emendar posibles erros padecidos ao relacionar os bens afectados pola urxente ocupación.
Ourense, 16 de decembro de 2004.
José Manuel González Sánchez
Xefe de Servizo Provincial de Estradas de Ourense
