Convocada a provisión, polo sistema de libre designación, de varios postos de traballo, vacantes na Consellería de Economía e Facenda, por Orde do 29 de setembro de 2004 (Diario Oficial de Galicia número 198, do 11 de outubro), en uso das facultades e atribucións conferidas pola Lei 4/1988, do 26 de maio, da función pública de Galicia, no seu artigo 15.4º e de conformidade co disposto no artigo 27.2º da referida lei, modificado polo artigo 6 da Lei 3/1995, do 10 de abril; visto o Decreto 93/1991, do 20 de marzo, e demais normativa vixente, esta consellería

DISPÓN:

Primeiro.-Designar as funcionarias que se cita no anexo desta orde para ocupar os postos que así mesmo se sinalan.

Segundo.-O cesamento no actual destino efectuarase segundo o previsto no artigo 14 do Decreto 93/1991, do 20 de marzo, no prazo de tres días a partir do seguinte ao da publicación desta orde no Diario Oficial de Galicia. A toma de posesión deberá facerse no prazo de tres días a partir do día seguinte ao do cesamento ou no dun mes, segundo proceda, de conformidade co disposto no referido artigo.

Terceiro.-A xefatura de persoal do centro onde causen alta os funcionarios efectuará, dentro dos prazos sinalados anteriormente, as dilixencias de toma de posesión, e seguidamente serán realizados os trámites para a súa alta en nómina.

Das dilixencias efectuadas serán remitidas copias á Dirección Xeral da Función Pública e á Inspección Xeral de Servizos.

Cuarto.-Contra esta orde, que esgota a vía administrativa, os interesados/as poderán interpoñer, potestativamente, recurso de reposición ante este mesmo órgano no prazo dun mes, contado a partir do día seguinte ao da súa publicación no Diario Oficial de Galicia; de conformidade co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, ou directamente, recurso contencioso-administrativo, no prazo de dous meses desde a mesma data, perante o xulgado do contencioso-administrativo competente, conforme os artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 15 de decembro de 2004.

P.D. (Orde 13-12-1993)

Emilio Álvarez Rey

Secretario xeral e do Patrimonio

da Consellería de Economía e Facenda

ANEXO

Apelidos e nome: Pájaro Pérez, Teresa.

NRP: 3326576957 A2051.

Grupo: B.

Denominación do posto: xefe de Servizo de Xestión do Feoga Orientación e Iniciativas Comunitarias.

Código do posto: EFC070000215770005.

Nivel: 28.

Centro directivo ou dependencia: Dirección Xeral de Planificación Económica e Fondos Comunitarios.

Localidade: Santiago de Compostela.

Apelidos e nome: Conde Freire, Mª Teresa.

NRP: 3383412202 A2051.

Grupo: B.

Denominación do posto: xefe de Servizo de Xestión do FSE e IFOP.

Código do posto: EFC07000021577016.

Nivel: 28.

Centro directivo ou dependencia: Dirección Xeral de Planificación Económica e Fondos Comunitarios.

Localidade: Santiago de Compostela.

Apelidos e nome: Barrós Naveira, Mª Pilar.

NRP: 3241909857 A2086.

Grupo: A.

Denominación do posto: xefe de Servizo de Auditoría dos Fondos Comunitarios.

Código do posto: EFC070000215770024.

Nivel: 28.

Centro directivo ou dependencia: Dirección Xeral de Planificación Económica e Fondos Comunitarios.

Localidade: Santiago de Compostela.