O Pleno do Concello de Barro, en sesión celebrada o día 17 de novembro de 2004, acordou dar trámite ao texto do convenio urbanístico para execución do planeamento que se subscribirá entre o Concello de Barro e Mª Jesús Escudero Álvarez, Ana María Escudero Álvarez, Beatriz Escudero Álvarez e Miguel Escudero García, no ámbito do Plan parcial SU-I-2 (solo urbanizable industrial nº 2), e someter o documento e o expediente administrativo a información pública, de conformidade co establecido no artigo 237 da Lei 9/2002, do 30 de decembro, de ordenación urbanística e proteción do medio rural.

O que se fai público para xeral coñecemento co fin de que os interesados poidan formular as alegacións que se consideren oportunas durante o prazo de 20 días, contados a partir do día seguinte ao da publicación deste anuncio no Diario Oficial de Galicia.

O expediente pode consultarse nas dependencias do Concello de Barro das 8.00 ás 15.00 horas de luns a venres, e das 9.00 ás 14.00 horas os sábados.

Barro, 25 de novembro de 2004.

José A. Landín Eirín

Alcalde