O xerente do Complexo Hospitalario Universitario de Vigo, en virtude das atribucións que lle foron delegadas pola Orde do 14 de marzo de 2002, sobre delegación de competencias nos órganos centrais e periféricos do Servizo Galego de Saúde, e unha vez cumpridos os trámites administrativos correspondentes, resolve convocar os seguintes concursos:
Expediente AG1/05:
Obxecto: contratación do servizo de alimentación do Hospital do Meixoeiro.
Orzamento: 3.759.000 euros.
Fianza provisoria: 75.180 euros.
Expediente C.P. 8/05:
Obxecto: contratación da subministración de 1.440 cargas de osíxeno medicinal en botellas.
Orzamento: 123.981,12 euros.
Fianza provisoria: 2.479,62 euros.
Forma de adxudicación: concurso polo procedemento aberto.
Prazo de execución do contrato: dous anos.
Admisión de variantes: non se admiten variantes.
Solvencia económica e técnica: ver prego de cláusulas administrativas particulares.
Criterios de adxudicación: os establecidos no prego de cláusulas administrativas particulares que rexen este concurso.
Documentos de interese para os licitadores: o prego de cláusulas administrativas particulares e demais documentación complementaria, poden ser solicitados na Unidade de Contratación Administrativa do Hospital do Meixoeiro, Meixoeiro s/n, 36200 de Vigo, en días laborables, das 9.00 ás 14.00 horas. Teléfono: 986 81 11 59. Fax: 986 81 11 39.
Presentación de proposicións: as proposicións deberanse presentar en man, en sobres pechados e asinadas polo licitador ou persoa que o represente, no rexistro xeral deste hospital, antes das 14.00 horas do décimo quinto día natural contado a partir do seguinte ao da publicación desta resolución no Diario Oficial de Galicia, ou enviadas por correo, dentro do prazo sinalado.
Apertura de proposicións: terá lugar na sala de xuntas do Hospital Nicolás Peña, a partir das 9.00 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que este día coincida en sábado ou festivo, a apertura de proposicións terá lugar o primeiro día hábil seguinte.
Documentación que deberán achegar os licitadores: os documentos que figuran no prego de cláusulas administrativas particulares.
Anuncios: os anuncios deste concurso serán por conta do adxudicatario do contrato.
Vigo, 10 de decembro de 2004.
Manuel Sánchez Delgado
Xerente do Complexo Hospitalario
Universitario de Vigo