De conformidade co disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos no mencionado real decreto, faise público que na Sección de Mediación, Arbitraxe e Conciliación desta delegación provincial, foron depositados a acta de constitución e os estatutos da Asociación de Mulleres Rurais Abelleira, que abranguen os seguintes ámbitos.
Territorial: concello da Estrada e Silleda.
Profesional: estudos sobre a muller rural, o medio rural, o ambiente, a agricultura, a saúde, o benestar social ... e calquera outro relacionado coas condicións socioeconómicas e laborais das mulleres no medio rural.
Asinan a acta de constitución: Carmen Diéguez Villaverde, e outras.
Os estatutos depositados poderán ser examinados por calquera persoa interesada.
Vigo, 25 de novembro de 2004.
Joaquín Macías Sánchez
Delegado provincial de Pontevedra