Con data do 25 de outubro de 2004, a instrutora do procedemento ditou proposta de resolución do expediente sancionador nº 144/2004 incoado na Delegación Provincial da Consellería de Sanidade da Coruña a Mª Teresa Martínez Fernández.
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula, e segundo o disposto no número 5 do referido artigo, notifícaselle a Mª Teresa Martínez Fernández o contido da dita proposta que figura como anexo, para que poida ter coñecemento dela.
Así mesmo, fáiselle saber o dereito que a asiste, ao abeiro do disposto no número 1 do artigo 19 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante esta delegación provincial no prazo de 15 días hábiles, contados desde o seguinte á publicación desta cédula, lembrándolle o seu dereito a consultar o expediente, depositado nas dependencias desta delegación, sita na rúa Gregorio Hernández, 2-4, A Coruña e obter, se é o caso, copia del, segundo o previsto na letra a) do artigo 35 da Lei 30/1992, do 26 de novembro.
Esta cédula expídese para que conste e lle sirva de notificación ao interesado, en cumprimento co disposto no artigo 59.5º da Lei 30/1992, do 26 de novembro.
A Coruña, 18 de novembro de 2004.
Manuel Barral Castro
Delegado provincial da Coruña
ANEXO
Expediente: 144/2004.
Denunciada: Mª Teresa Martínez Fernández.
DNI/NIF: 76484332.
Último enderezo coñecido: Romero Ortiz, 2, Ribeira.
Feito imputado: infracción á lexislación aplicable en materia sanitaria.
Preceptos presuntamente infrinxidos: artigo 35.A.3 da Lei 14/1986, xeral de sanidade; artigos 2.1º 1; 2.2º e 3.3º 6 do Real decreto 1945/1983, sobre infraccións e sancións en materia de defensa do consumidor e da produción agroalimentaria e Decreto 290/2003, que desenvolve o Real decreto 202/2000, sobre manipuladores de alimentos.
Tipificación provisional: leve.
Sanción proposta: 90,15 euros (noventa euros con quince céntimos).
