Ana María Carrasco García, secretaria do Xulgado do Social número catro da Coruña, dá fe e certifica que neste xulgado se seguen autos número 592/2004, por instancia de María Teresa Pablo Andrade contra
Valdefontes, S.L. sobre despedimento, nos que recaeu sentenza con daa do 22-11-2004 que, copiada nos particulares necesarios, di así:
«Decido que, estimando a demanda promovida por María Teresa Pablo Andrade contra Valdefontes, S.L. debo declarar e declaro improcedente o despedimento efectuado á demandante e así mesmo extinguida a relación laboral que unía os litigantes a día de hoxe, condenando a demandada a estar e pasar pola anterior declaración e o aboamento da cantidade de 4.706,05 euros en concepto de indemnización, e os salarios deixados de percibir desde a data do despedimento ata esta resolución, que ascenden á suma de 4.347,87 euros.
Así, por esta miña sentenza, contra a que se poderá recorrer en suplicación perante a Sala do Social do Tribunal Superior de Xustiza de Galicia no prazo de cinco días contados a partir do seguinte ao da súa notificación, anunciando o propósito de presentalo mediante comparecencia ou por escrito, é indispensable que no momento de anuncialo, o recorrente, se é empresario, exhiba ante este xulgado do social o xustificante acreditativo de ter depositado na conta, aberta en Grupo Banesto (Banco Español de Crédito, S.A. e Banco de Vitoria, S.A.), co número 5.605 0000 60 0592 04, a cantidade obxecto de condena. Poderá substituírse a consignación en metálico polo aseguramento mediante aval bancario, en que deberá facerse contar a responsabilidade solidaria do avalista, requisito sen o cal non se poderá ter por anunciado o recurso e quedará firme a sentenza. Deberase consignar, ademais, a cantidade de 150,25 euros na mesma conta 5.605 0000 65 0592 04 e entregar o xustificante na secretaría no
momento de interpoñer o recurso, que se declarará desistido de non constituírse o dito depósito na forma indicada. Definitivamente xulgando en primeira instancia, pronúncioo, mándoo e asinoo».
E para que conste, para efectos da súa publicación no Diario Oficial de Galicia co fin de que sirva de notificación á empresa Valdefontes, S.L., expido e asino esta cédula na Coruña a 22 de novembro de 2004.
O secretario xudicial
Rubricado
