Polo Decreto 83/2004, do 15 de abril, regúlase a percepción dos prezos públicos por asistencia sanitaria prestada en centros dependentes do Servizo Galego de Saúde e nas fundacións públicas sanitarias.
Polo Decreto 451/2003, do 26 de decembro, creouse a Fundación Pública Galega de Medicina Xenómica, que ten por obxecto desenvolver actividades relacionadas coa medicina molecular, entendida como coñecemento sobre os xenes humanos, na cal
conflúen varias disciplinas das ciencias da saúde, xerado a partir da incorporación das distintas técnicas moleculares consecuencia dos avances nas áreas da xenética humana, a biotecnoloxía, a terapia xénica, a farmacoxenética ou a inmunoloxía molecular, así como o coñecemento e as aplicacións derivadas do proxecto xenoma humano.
Todas as actividades que constitúen o obxecto desta fundación serán desenvolvidas con suxeición aos criterios de planificación e coordinación e ás directrices de carácter xeral emanadas da Consellería de Sanidade e do Servizo Galego de Saúde.
Previsto que a Fundación Pública Galega de Medicina Xenómica inicie a súa actividade o 1 de xaneiro de 2005, e que en virtude do Decreto 276/2001, do 27 de setembro, de adaptación das fundacións sanitarias á disposición adicional sétima da Lei 5/2000, do 28 de decembro, os ingresos procedentes da prestación de servizos sanitarios por parte das fundacións teñen a consideración de ingresos de dereito público, faise necesario establecer as tarifas dos servizos sanitarios prestados pola citada fundación aplicables a partir do 1 de xaneiro de 2005.
En consecuencia, co fin de regular a percepción dos prezos públicos por asistencia sanitaria prestada pola Fundación Pública Galega de Medicina Xenómica, por proposta do conselleiro de Sanidade, co informe favorable da Consellería de Economía e Facenda e logo de deliberación do Consello da Xunta de Galicia, na súa reunión do día dezaseis de decembro de dous mil catro,
DISPÓN:
Artigo 1º.
Apróbanse as tarifas que figuran no anexo deste decreto, aplicables aos servizos sanitarios prestados pola Fundación Pública Galega de Medicina Xenómica a pacientes que non sexan beneficiarios da Seguridade Social, así como naqueles casos en que, sendo beneficiarios, exista un terceiro obrigado ao pagamento que deba asumir o gasto sanitario.
Nos supostos de terceiros obrigados ao pagamento, por tratarse de gastos non financiables con ingresos da Seguridade Social (artigo 83 da Lei 14/1986, do 25 de abril, xeral de sanidade), cando o paciente non facilite os datos do terceiro obrigado para a súa correcta facturación, o gasto asistencial será ao seu cargo.
Artigo 2º.
A facturación realizarase coas tarifas vixentes o día da prestación do servizo.
Disposición derrogatoria
Quedan derrogadas todas as normas de igual ou inferior rango no que se opoñan ao establecido neste decreto.
Quedan sen efecto, a partir da entrada en vigor deste decreto, as tarifas recollidas no anexo III do Decreto 83/2004, do 15 de abril, polo que se establecen as tarifas dos servizos sanitarios prestados nos centros dependentes do Servizo Galego de Saúde e nas fundacións públicas sanitarias.
Disposicións derradeiras
Primeira.-Facúltase o conselleiro de Sanidade para ditar cantas disposicións sexan necesarias para o desenvolvemento e execución do establecido neste decreto.
Segunda.-Este decreto entrará en vigor o día 1 de xaneiro de 2005.
Santiago de Compostela, dezaseis de decembro de dous mil catro.
Manuel Fraga Iribarne
Presidente
José Manuel González Álvarez
Conselleiro de Sanidade
ANEXO
Prezos que aplicará pola Fundación Pública Galega de Medicina Xenómica (en euros).
A) Tarifas.
Medicina molecular.
MM.P1 - Translocacións e inversións: 230.
MM.P2 - Reordenamentos: 172.
MM.P3 - Secuenciación.
MM.P3A - Ata 4 secuencias: 138.
MM.P3B - De 5 a 20 secuencias: 460.
MM.P3C - De 21 a 50 secuencias: 920.
MM.P3D - Máis de 50 secuencias: 1.380.
MM.P4 - Análise de mutacións puntuais: 69.
MM.P5 - Análise de microsatélites: 285.
MM.P6 - Análise de ligamento: 400.
MM.P7 - Cuantificación de transcritos de ARN: 230.
MM.P8 - Dose xénica: 248.
MM.P9 - Expansións de tripletes de nucleótidos (mutacións dinámicas): 276.
MM.P10 - Arrays: segundo orzamento.
MM.P11 - Almacenamento e conservación de mostras de ADN: 27.
MM.P12 - Análise dun familiar adicional a un estudo previo realizado: 115.
Citoxenética:
C.P1 - Estudo citoxenético: 115.
C.P2 - Estudo de HIS: 115.
C.P3 - Estudo citoxenético e de HIS: 218.
C.P4 - Estudo cuádruple de HIS: 264.
C.P3 - Hibridación xenómica comparada: 287.
Farmacoxenética:
F.P1 - Batería de SNP de farmacoxenética.
F.P1A - 5 SNP: 115.
F.P1B - 6 a 20 SNP: 172.
F.P1C - 21 a 100 SNP: 230.
F.P1D - Máis de 100 SNP: segundo orzamento.
Consello xenético:
CG.P1 - Consulta: 230.
B) Relación de patoloxías e xenes analizados en cada proceso.
Medicina molecular.
MM.P1 - Translocacións e inversións.
INV(16).
Translocación t(1;19).
Translocación t(11;14).
Translocación t(11;19).
Translocación t(12;21).
Translocación t(14;18).
Translocación t(15;17).
Translocación t(2;5).
Translocación t(4;11).
Translocación t(5;12).
Translocación t(8;21).
Translocación t(9;22).
MM.P2 - Reordenamentos.
Reordenamento IgH.
Reordenamento TCR.
MM.P3 - Secuenciación.
MM.P3A - Ata 4 secuencias.
Acondroplasia (xene FGFR-3).
ADN mitocondrial (Melas, MERFF e similares).
Cancros esporádicos (xene K-ras).
Déficit de adenosín monofosfato deaminasa (xene AMPD1).
Ectopía lentis (xene PF2).
Feminización testicular (xene SRY).
Hipercolesterolemia familiar tipo 2 (xene APO B).
Hipocondroplasia (xene FGFR-3).
Homocistinuria (xene CBS).
Lipodistrofia parcial familiar (xene LMNA).
Proxeria (xene LMNA).
Síndrome de Berardinelli (xene BSCL2).
Trombocitopenia amegacariocitica conxénita (xene MPL).
MM.P3B - de 5 a 20 secuencias.
ADN mitocondrial (Leber e similares).
Carcinoma medular de tiroide familiar (xene RET).
Cerebrotendinose xantomatosa (xene CYP 27).
Charcot-Marie-Tooth 1A (xene PMP22).
Charcot-Marie-Tooth 1B (xene MPZ).
Charcot-Marie-Tooth X (xene conexina 32).
Déficit 3-B-hidroxiesteroide deshidroxenasa.
Déficit 21-hidroxilasa.
Déficit 17-hidroxilasa.
Déficit de alfa 1 antitripsina (xene PI).
Déficit de GH (xene GH1).
Déficit de mioadenilato desaminasa (xene AMPD1).
Enfermidade de Von Hippel Lindau (xene VHL).
Enfermidade de Creuztfeldt-Jacob (xene PRNP).
Esclerose lateral amiotrófica (xene SOD1).
Fibrose quística (xene CFTR).
Hipoplasia adrenal conxénita (xene Dax-1).
Panhipopituitarismo (xene PIT1 e xene PROP1).
Polineuropatia amiloide familiar (enfermidade de Andrade) (xene TTR).
Síndrome linfoproliferativa autoinmune (xene FAS).
Síndrome MEN2A (xene RET).
Síndrome de Li-Fraumeni (p53) (incluídos casos de cancros esporádicos).
Síndrome de Rett (xene MECP2).
Síndrome de resistencia a hormona tiroidea (xene THRB).
Síndrome de Leri-Weill (xene SHOX).
Xordeira non sindrómica autosómica recesiva (xene conexina 26/ GJB2).
MM.P3C - De 21 a 50 secuencias.
CADASIL (xene NOTCH3).
Déficit 11-B-hidroxilasa.
Déficit de aldosterona sintasa.
Déficit receptor de GH.
Enfermidade de Alzheimer (xene presenilina 1 e 2).
Holoprosencefalia (xene SIX-3 e xene SHH).
Síndrome de McCunne-Albridge (xene Gs-a -GNAS1).
Síndrome poliglandular autoinmune (xene APECED).
Síndrome de Kallman (xene KAL1).
Síndrome triple A (xene AAAS).
Síndrome de Noonan (xene PTPN11).
Síndrome de resistencia aos andróxenos (xene RA e xene SRD5A2).
Síndrome Cowden (xene PTEN / PHTS).
MM.P3D - Máis de 50 secuencias.
Cancro de mama familiar (xene BRCA-1 ou xene BRCA-2).
Polipose adenomatosa familiar (APC).
Cancro de colon hereditario non polipósico (xenes MLH1, MSH2 ou similares).
Neuroacantocitose (xene CHAC).
Distrofia muscular conxénita merosina deficiente (xene LAMA2).
MM.P4 - Análise de mutacións puntuais.
Apo-E.
Enfermidade de Gilbert.
F V Leiden.
FII-Protrombina.
Hemocromatose.
Hiperaldosteronismo familiar tipo 1 (CYP11B1-CYP11B2).
Metilentetrahidrofolato redutasa en trombofilia (MTHFR).
TNF a.
TNF b.
MM.P5 - Análise de microsatélites.
Cromosoma Y (marcadores de gonadoblastoma).
DiGeorge (CATCH22).
Inestabilidade de microsatélites.
Monocigotismo.
Perda de heterocigosidade en xenes supresores tumorais.
Quimerismo (transplante de medula).
Síndrome de Leri-Weill (deleción).
Síndrome de Smith-Magenis.
Síndrome de Williams.
MM.P6 - Análise de ligamento.
Enfermidade de Niemann Pick tipo C (ligamento a NPC1).
Enfermidade renal quística medular autosómica Dominante.
Poliquistose renal (ligamento a PKD1, 2 e ARPKD).
Síndrome de Alport.
MM.P7 - Cuantificación de transcritos de ARN.
Translocación BCR-ABL.
Tirosinasa.
MM.P8 - Dose xénica.
Charcot-Marie-Tooth (duplicación).
Neuropatía tomacular (deleción).
N-myc.
MM.P9 - Expansións de tripletes de nucleótidos (mutacións dinámicas).
Ataxia de Friedreich.
Ataxias espiñocerebelosas.
Corea de Huntington.
Distrofia muscular oculo-farínxea.
Enfermidade de Kennedy.
Citoxenética.
C.P1 - Estudo citoxenético.
En pacientes con sospeita diagnóstica de:
Leucemia aguda mielobástica.
Síndromes mielodisplásicas.
Síndromes mieloproliferativas.
Síndromes linfoproliferativas crónicas B e T.
Linfoma non Hodgkin.
Mieloma múltiple.
Tumores infantís.
Sarcomas.
Tumores do sistema nervioso central.
Tumores do ril e das vías urinarias.
Tumores óseos.
Tumores do sistema endócrino.
C.P2 - Estudo de HIS.
Análise de translocacións e inversións:
BCR-Abl.
PML-RARa.
AML-1-ETO.
CBFB-MYHII.
ETV6/AML1.
BCL 1, 2 e 6.
Análise de rexións xenómicas con deleción:
5q31.
7q22 y 7q31.
11q13.
13q14.
17p12.
Alteracións cromosómicas numéricas mediante sondas centroméricas para calquera cromosoma.
Alteracións citoxenéticas estruturais mediante pintado cromosómico.
C.P3 - Hibridación xenómica comparada.
CONSELLERÍA DE XUSTIZA, INTERIOR E ADMINISTRACIÓN
LOCAL
