A Orde do 17 de decembro de 2003 (DOG nº 251, do 29 de decembro) que regulaba e convoca axudas para a compra de gando bovino que teña por obxecto a reposición das reses como consecuencia do sacrificio obrigatorio en execución dos programas de control e erradicación de enfermidades dos animais. Á vista das solicitudes realizadas ao
amparo desta é preciso incrementar a dotación económica prevista inicialmente para afrontar o gasto correspondente.
Na súa virtude, de conformidade co disposto no artigo 30.I.3 do Estatuto de autonomía de Galicia, e en uso das competencias que me confire a Lei 1/1983, do 22 de febreiro, modificada pola Lei 11/1988, do 20 de outubro, reguladora da Xunta e do seu presidente,
DISPOÑO:
Artigo único.
Primeiro.-Amplíase a dotación orzamentaria que se recolle no artigo 12 da orde desta consellería do 17 de decembro de 2003 (DOG nº 251, do 29 de decembro) pola que se regulan e convocan axudas para a compra de gando bovino que teña por obxecto a reposición das reses como consecuencia do sacrificio obrigatorio en execución dos programas de control e erradicación de enfermidades dos animais, tal como se detalla a seguir:
O importe inicial establecido para o financiamento desta orde incrementarase en 60.000 euros con cargo á aplicación orzamentaria 09.03.613-A.770.0 Programas sanitarios especiais, dos orzamentos xerais da Comunidade Autónoma de Galicia para o ano 2004.
Segundo.-Esta modificación non afecta o prazo que se establece para a presentación das solicitudes de axuda en dita Orde do 17 de decembro de 2003.
Disposición derradeira
Primeira.-Esta orde entrará en vigor o día seguinte ao da súa publicación no Diario Oficial e Galicia.
Santiago de Compostela, 20 de decembro de 2004.
José Antonio Santiso Miramontes
Conselleiro de Política Agroalimentaria e
Desenvolvemento Rural