Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: BEGASA.
Domicilio social: r/ Cidade de Viveiro, 4, 27002 Lugo.
Denominación: reelectrificación en Mundín.
Situación: Riotorto.
Descricións técnicas:
-L.M.T. derivación a C.T. de Mundín a 20 kV con orixe na L.M.T. derivación a C.T. de Chacín e final no C.T. de Mundín cunha lonxitude de 1.398 m sobre apoios metálicos e de formigón en condutor LA-56.
-L.M.T. derivación a C.T. de Chairas-VAl a 20 kV con orixe na L.M.T. proxectada derivación a C.T. de Mundín e final no C.T. de Chairas-Val cunha lonxitude de 128 m sobre apoios de formigón e metálicos en condutor LA-56.
-C.T.I. de Mundín sobre apoio metálico cunha potencia de 160 kVA e unha relación de transformación de 20.000/420-230 V.
-C.T.I. de Chairas-Val sobre apoio metálico cunha potencia de 160 kVA e unha relación de transformación de 20.000/420-230 V.
-R.B.T. en Mundín con orixe no C.T. de Mundín e unha lonxitude total de 2.800 m en condutor R.Z. sobre apoios de formigón.
-R.B.T. en Chairas-Val con orixe no C.T. de Chairas-Val e unha lonxitude total de 1.100 m en condutor R.Z. sobre apoios de formigón.
Cumpridos os trámites ordenados na Lei 54/1997, do 27 de novembro, e no Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta delegación provincial resolve:
Autorizar e aprobar o proxecto de execución das devanditas instalacións, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra esta resolución pódese interpoñer recurso de alzada ante o conselleiro de Innovación, Industria e Comercio no prazo dun mes, contado a partir do día seguinte ao da notificación desta resolución;
tamén se pode interpor calquera outro recurso que se considere pertinente.
Lugo, 3 de novembro de 2004.
Jesús Bendaña Suárez
Delegado provincial de Lugo