Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S., C.T.C. ribeira de San Lourenzo.

Situación: Santiago de Compostela.

Descricións técnicas: modificado 1 ao proxecto de L.M.T.S. e C.T. ribeira de San Lourenzo, consistente en:

-Liña eléctrica subterránea de media tensión a 20 kV, baixo tubo e con condutor R.H.V. 12/20 kV de 3(1x240) mm Al, de 315 m de lonxitude, con orixe en liña Santiago II-Galeras (circunvalación) e final no C.T., ribeira de San Lourenzo, que se vai instalar.

-Centro de transformación en caseta prefabricada de formigón, de 250 kVA e tensións de 20/0,400-0,230 kV, ao lado do complexo hostaleiro en esquina r/ Carme de Abaixo con r/ Figueiras. Concello de Santiago de Compostela.

Todas aquelas persoas ou entidades que se consideren afectadas poderán examinar o expediente e presentar as súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 28 de outubro de 2004.

Jesús Espada Martínez

Delegado provincial da Coruña