De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona que, con esta data resolvín publicar o acordo de iniciación do procedemento sancionador por infracción administrativa da Lei 10/1998, do 21 de abril, de residuos (BOE nº 96, do 22 de abril), por non poder realizar a súa notificación.

Considérase aos denunciados responsables solidarios da infracción imputada ao abeiro do disposto no artigo 32.2º b) da Lei 10/1998, do 20 de abril, de residuos segundo o que existirá tal responsabilidade cando sexan varios os responsables e non sexa posible determinar o grao de participación de cada un na comisión da infracción.

Noméase instrutora do procedemento a Ana Mª Casas González e secretaria a Mª Jesús Budiño Rodríguez, funcionarias desta delegación, que poderán ser obxecto de recusación segundo o disposto no artigo 29 da Lei 30/1992, do 26 de novembro, de réxime xurídico das administracións públicas e do procedemento administrativo común (modificada pola Lei 4/1999, do 13 de xaneiro).

A resolución será acordada pola delegada provincial de Medio Ambiente na Coruña, segundo o artigo 37.1º da Lei 10/1998, de 21 de abril, de residuos, en relación co artigo 45.2º a) da Lei 1/1995, do 2 de xaneiro, de protección ambiental de Galicia, co Real decreto 167/1981, do 9 de xaneiro, de transferencias de funcións e servizos do Estado á Comunidade Autónoma de Galicia en materia de conservación da natureza e co Decreto 106/2004, do 27 de maio, polo que se establece a estrutura orgánica da Consellería de Medio Ambiente.

O interesado dispón dun prazo de quince días, contados a partir do seguinte ao de publicación desta notificación, para achegar, por escrito, cantas alegacións, documentos, informacións ou propostas de proba, estime convenientes para a defensa dos seus dereitos.

Conforme o establecido no artigo 13.2º do Real decreto 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, de non se efectuar alegacións no prazo anterior, este acordo de inciación poderá ser considerado proposta de resolución, determinándose, para estes efectos o importe da sanción en 300 A de multa.

Ao abeiro do disposto no artigo 8.2º do Real decreto 1398/1993, do 4 de agosto, cando a sanción teña exclusivamente carácter pecuniario, o pagamento voluntario polo imputado, en calquera momento anterior á resolución, porá fin ao expediente.

O prazo máximo para ditar resolución neste expediente é de seis meses a partir da data do acordo de incoación, segundo o establecido no artigo 42 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro. De non ditarse resolución no devandito prazo e, ao abeiro do disposto no artigo 44.2º da lei antes mencionada, producirase a caducidade do expediente.

O que se lle comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, de 4 de agosto (BOE nº 189, do 9 de agosto).

A Coruña, 16 de novembro de 2004.

Ana María Díaz López

Delegada provincial da Coruña

ANEXO

Expediente: CO-RES-2004-0068.

Denunciado: José Regueiro López.

CIF: 76346829-P.

Último enderezo coñecido: Castenda, 15683 Tordoia.

Feitos denunciados: eliminación incontrolada de residuos mediante queima.

Tipificación: Lei 10/1998, de residuos, artigo 34.4º c) en relación co 34.3º b).

Cualificación: leve.

Sanción proposta: 300 A de multa.