De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona que, con esta data, resolvín publicar o acordo de iniciación do procedemento sancionador por infracción administrativa da Lei 50/1999, do 23 de decembro, de réxime xurídico de tenza de animais potencialmente perigosos (BOE nº 307, do 24 de decembro), por non ser posible a súa notificación.

Ademais, non constando na denuncia a circunstancia de se ten vostede identificado o can con microchip obrigatorio, deberá vostede acreditar a identificación no prazo de quince días desde o seguinte ao de recepción desta comunicación. Noutro caso, será incluída neste procedemento sancionador a infracción prevista no artigo 13.2º b) e c) da Lei 50/1999 como grave con sanción entre 300 euros ata 2.404 euros de multa.

Noméase instrutora do procedemento a Mª Jesús Budiño Rodríguez e secretaria a Ofelia Rivas Vázquez, funcionarias desta delegación, podendo promover a súa recusación en calquera momento da tramitación do procedemento, se concorre algunha das circunstancias previstas no artigo 29 da Lei 30/1992, do 26 de novembro, de réxime xurídico das administracións públicas e do procedemento administrativo común.

A resolución será acordada polo director xeral de Conservación da Natureza, segundo o artigo 20.3º do Decreto 90/2002, do 28 de febreiro, polo que se regula a tenza de animais potencialmente perigosos na Comunidade Autónoma de Galicia e se crean os rexistros galegos de identificación de animais de compañía e potencialmente perigosos e de adestradores caninos, en relación co artigo 13.7º da Lei 50/1999, en virtude do Decreto 106/2004, do 27 de maio, polo que se establece a estrutura orgánica dos departamentos da Xunta de Galicia, e segundo a Orde do 16 de xullo de 2003 pola que se delega o exercicio de determinadas competencias

en materia sancionadora nos directores xerais da Consellería de Medio Ambiente (DOG nº 150, do 5 de agosto).

O interesado disporá dun prazo de quince días, contados a partir do seguinte ao de publicación desta notificación, para achegar, por escrito cantas alegacións, documentos, informacións ou propostas de probas considere convenientes en defensa dos seus dereitos.

Conforme o establecido no artigo 13.2º do R.D. 1398/1993, do 4 de agosto, polo que se aproba o Regulamento do procedemento para o exercicio da potestade sancionadora, do 4 de agosto de 1993, de non efectuar alegacións no prazo anterior, este acordo de iniciación poderá ser considerado proposta de resolución, determinándose, para estes efectos, o importe da sanción en 2.405 euros de multa.

Ao amparo do disposto no artigo 8.2º do R.D. 1398/1993, do 4 de agosto, cando a sanción teña carácter pecuniario, o pagamento voluntario polo imputado en calquera momento anterior á resolución poñerá fin ao expediente.

O prazo máximo para ditar resolución nos presentes expedientes é de seis meses a partir da data do acordo de iniciación, o que lle notifico de acordo co artigo 42 da Lei 4/1999, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común. De non ditarse resolución no devandito prazo e, ao abeiro do disposto no artigo 44.2º da lei antes mencionada, producirase a caducidade do expediente.

O que se lle comunica de acordo coa normativa antes citada, coa Lei 30/1992, do 26 de novembro, e co establecido no R.D. 1398/1993, do 4 de agosto.

A Coruña, 16 de novembro de 2004.

Ana María Díaz López

Delegada provincial da Coruña

ANEXO

Expediente: CO-APP-2004-0052.

Denunciado: David José Núñez Vázquez.

CIF: 47364870-G.

Último enderezo coñecido: Ronda de Nelle, 12-2º B, 15005, A Coruña.

Feitos denunciados: ter un can potencialmente perigoso sen licenza. Ter un can potencialmente perigoso en lugar público, sen buceira e sen cadea.

Tipificación: Lei 50/1999, sobre o réxime xurídico de tenza de animais potencialmente perigosos, artigo 13.1º b) e 13.2º d).

Cualificación: moi grave.

Sanción proposta: 2.405 euros de multa.