Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 579/2003 por instancia de Amelia Iglesias López contra Rubias y Pérez Asociados, S.L. e outros, sobre invalidez permanente, nos que recaeu sentenza o 22 de outubro de 2004 que, copiada nos particulares necesarios, di así:
«Que, desestimando a demanda formulada por Amelia Iglesias López, declaro que non procede a súa declaración en situación invalidante ningunha ao non acreditar o período de carencia exixido, absolvendo da demanda as demandadas.
Notifíqueselles esta resolución ás partes, facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte ao da súa notificación.
Así, por esta miña sentenza, da cal se unirá certificación aos autos orixinais para a súa notificación e cumprimento, xulgando pronúncioo, mándoo e asínoo».
E para que conste, para efectos da súa publicación no Diario Oficial de Galicia co fin de que lle sirva de notificación en forma á empresa Rubias y Pérez Asociados, S.L. expido e asino esta cédula na Coruña o 11 de novembro de 2004.
O secretario xudicial
Rubricado