Por Orde do 24 de marzo de 2003 (DOG nº 67, do 6 de abril), a Consellería de Xustiza, Interior e Administración Local anunciou normas para a cesión en propiedade de vehículos especialmente preparados para misións de protección civil aos concellos e mancomunidades de concellos galegos.
Visto o informe técnico emitido polo servizos provinciais de protección civil e a proposta da comisión
avaliadora, en aplicación do artigo 7 da Orde do 24 de marzo,
RESOLVO:
Primeiro.-Conceder con cargo á aplicación 13.03.231A.624.1 dos orzamentos xerais da Comunidade Autónoma de Galicia para o ano 2004, a cesión en propiedade de vehículos especialmente preparados para misións de protección civil, aos concellos da provincia da Coruña: Boqueixón e Noia.
Segundo.-Notificarlles o contido desta resolución aos concellos beneficiarios, especificando as condicións particulares que deberán cumprir, e que se formalizará mediante acta na que constará o acordo da cesión e a aceptación do cesionario.
Terceiro.-Contra esta resolución, que esgota a vía administrativa, poderase interpoñer recurso de reposición ante este mesmo órgano, no prazo dun mes, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do seguinte ao da publicación desta orde.
En todo caso, non se poderá interpoñer recurso contencioso-administrativo ata que sexa resolto expresamente ou se produza a desestimación presunta do recurso de reposición.
Santiago de Compostela, 9 de decembro de 2004.
Jesús Carlos Palmou Lorenzo
Conselleiro de Xustiza, Interior
e Administración Local
ANEXO I
Vehículo Nº de bastidor Concello
Nissan Terrano 2.7 tdi comfort 5p A/A branco VSKTVUR20U0566692 Boqueixón
Nissan Terrano 2.7 tdi comfort 5p A/A branco VSKTVUR20U0567088 Noia