Aprobado o expediente de contratación que a seguir se identifica, mediante Resolución do 2 de decembro de 2004, procédese agora a efectuar o anuncio de licitación deste.
Esta resolución constitúe acto de trámite para os efectos do parágrafo segundo do artigo 107 da Lei 30/1992, do 26 de novembro, modificada pola Lei 4/1999, do 13 de xaneiro.
1. Entidade adxudicadora.
a) Organismo: Consellería de Familia, Xuventude, Deporte e Voluntariado.
b) Dependencia que tramita o expediente: Dirección Xeral para o Deporte.
c) Número de expediente: 79/2004.
2. Obxecto do contrato.
a) Descrición do obxecto: construción dun campo de fútbol en Castro Ribeiras de Lea, no concello de Castro de Rei (Lugo).
b) Lugar de execución: Castro Ribeiras de Lea, Castro de Rei.
c) Prazo de execución: dezaseis (16) meses.
3. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma: concurso público.
4. Orzamento base de licitación.
Importe total: cincocentos cincuenta e cinco mil vinte e cinco euros con vinte céntimos, IVE incluído (555.025,20 A).
5. Garantías.
a) Garantía provisional: non se exixe, ao abeiro do disposto no artigo 35.1º, do texto refundido da Lei de contratos das administracións públicas.
b) Garantía definitiva: catro por cento (4%) do orzamento de licitación: vinte e dous mil douscentos un euros (22.201 A).
6. Obtención de documentación e información.
No Servizo de Infraestruturas Deportivas da Dirección Xeral para o Deporte. (Estadio Multiúsos de San Lázaro, s/n. Santiago de Compostela. Teléfono: 981 54 26 26. Fax: 981 54 26 39).
Fotocopias dos pregos de cláusulas administrativas e prescricións técnicas poderán ser solicitados directamente en Xeneral Pardiñas, nº 2 de Santiago de Compostela. Teléfono: 981 59 03 02.
Os pregos de cláusulas administrativas particulares e prescricións técnicas aos que se refire o parágrafo anterior poderán ser consultados na rede da internet:
(www.xunta.es/contratación/resultado.jsp?N=4696).
7. Requisitos específicos do contratista.
a) Clasificación, se é o caso: grupo: C, subgrupo: todos, categoría: d.
b) Solvencia económica e financeira e solvencia técnica e profesional.
A acreditación efectuarase mediante a presentación dos documentos sinalados no prego de cláusulas administrativas particulares (folla de especificacións).
8. Presentación de ofertas:
a) Data límite de presentación: ás 14.00 horas do décimo terceiro (13) día natural posterior á publicación desta resolución no Diario Oficial de Galicia.
b) Documentación que hai que presentar: a requirida polo prego de cláusulas administrativas particulares.
Os contratistas que se atopen inscritos no Rexistro Xeral de Contratistas da Comunidade Autónoma e así o fagan constar na cara do sobre A (documentación administrativa) quedarán exonerados de presentar a documentación á que se refire o artigo 5 da Orde do 23 de outubro de 1995 (DOG do 10 de novembro), modificada pola Orde do 9 de decembro de 1996 (DOG do 23 de decembro).
c) Lugar de presentación:
No Rexistro de Documentos da Dirección Xeral para o Deporte (Estadio Multiúsos. San Lázaro, 15890 Santiago de Compostela. Fax: 981 54 26 39), ou seren enviados por correo dentro do prazo de admisión.
d) Admisión de variantes: admítense en relación co prazo de execución e co prazo de garantía da obra.
9. Apertura de ofertas.
a) Entidade: Consellería de Familia, Xuventude, Deporte e Voluntariado, Dirección Xeral para o Deporte.
b) Enderezo: estadio Multiúsos San Lázaro.
c) Localidade: Santiago de Compostela.
d) Data: o día hábil seguinte ao do remate do prazo de presentación de ofertas. De coincidir este en sábado, pasará ao seguinte día hábil.
e) Hora: 9.30 horas.
10. Outras informacións:
11. Gastos do anuncio: este anuncio será por conta do adxudicatario, e se é o caso, da inserción do seu extracto nos medios de comunicación escrita.
Santiago de Compostela, 2 de decembro de 2004.
P.D. (Orde 2-8-2004)
Javier Batán Rodríguez
Secretario xeral da Consellería de Familia,
Xuventude, Deporte e Voluntariado
